Iechyd: Diffyg hyder?

Gwrthdystwyr yn Y Fflint Protestwyr y tu allan i gyfarfod o'r bwrdd iechyd pan gafodd y newidiadau eu cadarnhau ym mis Ionawr

Straeon Perthnasol

Bydd cynghorwyr sir Conwy yn trafod cynnig o ddiffyg hyder yn y bwrdd iechyd lleol ddydd Iau.

Cafodd y drafodaeth ei ohirio fis diwethaf ar ôl i'r ddwy ochr gytuno i gynnal trafodaethau.

Mae nifer o gynghorwyr yn anhapus gyda chynlluniau Bwrdd Iechyd Prifysgol Betsi Cadwaladr i ad-drefnu'r gwasanaeth iechyd yn y gogledd.

Ymhlith rhai o'r cynlluniau dadleuol mae'r penderfyniad i gau ysbytai cymunedol ym Mlaenau Ffestiniog, Y Fflint, Llangollen a Phrestatyn.

Bwriad arall yw trosglwyddo gofal dwys i fabanod o Ysbytai Glan Clwyd a Wrecsam Maelor i Ysbyty Arrowe Park yng Nghilgwri ar Lannau Mersi.

Dywed y Bwrdd nad yw peidio ad-drefnu yn opsiwn.

Maen nhw'n yn mynnu bod yn rhaid iddyn nhw newid gwasanaethau er mwyn ymateb i heriau fel poblogaeth sy'n heneiddio a phrinder meddygon.

Bydd y cynnig o ddiffyg hyder yn cael ei gyflwyno gan Cheryl Carlisle (Ceidwadwr), Brian Cossey (Democratiaid Rhyddfrydol) a Phil Edwards (Plaid Cymru).

Mae grŵp trawsbleidiol o Aelodau Cynulliad hefyd wedi galw ar y Gweinidog Iechyd Lesley Griffiths i ymyrryd yn y mater.

Mae Bwrdd Iechyd Prifysgol Betsi Cadwaladr fel pob bwrdd iechyd arall yng Nghymru, yn wynebu gwasgfa ariannol sylweddol sy'n golygu dod o hyd i arbedion gwerth degau o filoedd o bunnau bob blwyddyn.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.