Dirwy am redeg lladd-dy anghyfreithlon yn Llandrindod

Adroddiad Owain Evans

Mae dyn 28 oed o'r canolbarth wedi cael dirwy o £3,000, am redeg lladd-dy anghyfreithlon ar fferm ei dad.

Fe wnaeth Gareth Mills o Landrindod ym Mhowys bledio yn euog i gyhuddiad o gyflenwi bwyd a thorri rheolau hylendid bwyd yn Llys Ynadon Aberhonddu ddydd Mercher.

Derbyniodd barnwr ei fod wedi lladd anifeiliaid ar gyfer y teulu yn unig ac na chafodd y cynnyrch ei werthu i'r cyhoedd.

Canfu swyddogion iechyd yr amgylchedd Cyngor Powys cyrff wŷn yn Fferm Cefn Bronllys yn Llanddewi ger Llandrindod ym mis Rhagfyr 2011.

Clywodd y llys fod isgynnyrch anifeiliaid hefyd yno gan gynnwys bath yn llawn ysgyfaint defaid a bwcedi o bennau wŷn allai wedi lledu afiechydon.

Dywedodd Simon Warlock ar ran yr amddiffynnydd nad oedd unrhyw fwriad i ddosbarthu'r cig i wneud elw.

Ychwanegodd fod ffermwyr yn helpu ei gilydd a bod hawl ganddyn nhw i fwyta anifeiliaid eu hunain.

Honnodd Mr Mills, sydd wedi cymhwyso fel cigydd, nad oedd unrhyw fwriad i ddosbarthu'r cig i'r cyhoedd.

Dywedodd y Barnwr Rhanbarth, John Charles, ei fod yn derbyn nad oedd unrhyw fwriad i'r cig fod yn rhan o'r gadwyn fwyd.

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.