Cyhoeddi pedwar dewis ar gyfer Pont Ddyfi

Dŵr uchel yn Afon Ddyfi ger y bont Mae llifogydd a damweiniau ar yr A487 yn achosi difrod i'r bont

Straeon Perthnasol

Mae Llywodraeth Cymru wedi cyhoeddi pedwar dewis ar gyfer dyfodol pont 200 oed yn y canolbarth.

Mae Pont Ddyfi yn cael ei chau yn aml o ganlyniad i lifogydd ar yr A487 rhwng Powys a Gwynedd.

Mae'r bont wedi ei difrodi yn y gorffennol gan lifogydd a cherbydau.

Gwybodaeth bellach

Dywedodd Maer Machynlleth, Gareth Jones, ei fod o o blaid codi pont newydd yn uwch i fyny'r afon.

Dywedodd Mr Jones ei fod o, a'r cyngor tref, am weld pont sy'n addas ar gyfer trafnidiaeth yr 21ain Ganrif.

"Mae hyn wedi bod yn broblem ers degawdau. Mae angen i ni wybod pryd fyddwn ni'n gweld rhywbeth yn digwydd.

"Mae angen gwybodaeth bellach arnom ni."

Y pedwar dewis yw:

  • Pont newydd uwchlaw'r bont bresennol
  • Pont newydd islaw'r bont bresennol
  • Lledu a chryfhau'r bont bresennol, gwaith lleihau llifogydd a chodi'r A487 presennol
  • Lledu a chryfhau'r bont bresennol a gwaith lleihau llifogydd

Dywedodd llefarydd ar ran Llywodraeth Cymru fod y pedwar dewis yn cael eu hystyried ymhellach a bydd penderfyniad ar y ffordd ymlaen yn cael ei wneud yn ddiweddarach eleni.

Yn y cyfamser bydd gwaith ar gostau ac effaith amgylcheddol y cynlluniau yn parhau.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.