Cannoedd mewn gwasanaeth coffa i deulu o Gasnewydd laddwyd yn Saudi Arabia

Bilques Hayat, Mohammed Isshaq, Shaukat Ali Hayat, Abida Hayat a Saira Zenub Bilques Hayat, Mohammed Isshaq, Shaukat Ali Hayat, Abida Hayat a Saira Zenub a fu farw yn y ddamwain

Straeon Perthnasol

Roedd cannoedd o alarwyr yn bresennol mewn gwasanaeth coffa arbennig i gofio pum aelod o'r un teulu a gafodd eu lladd tra ar bererindod i Mecca, Saudi Arabia.

Roedd Shaukat Ali Hayat, 56 oed; ei wraig Abida, 47 oed; eu merch Saira Zenub; eu mab hynna' Mohammed Isshaq, 33 oed a'i wraig feichiog Bilques yn dod o Gasnewydd.

Bachgen blwydd oed, Mohammed Eisa Daniel, oedd yr unig un i oroesi'r ddamwain ar Chwefror 8.

Cafodd y gwasanaeth ddydd Sul ei gynnal ym mosg Jamia yng Nghasnewydd.

Priodas

Roedd y teulu wedi bod yn Saudi Arabia fel rhan o bererindod i Mecca gan Foslimaidd unrhyw adeg o'r flwyddyn, Umrah.

Yn ôl adroddiadau fe wnaeth eu cerbyd daro pont goncrit a mynd oddi ar y ffordd cyn glanio ben i'w waered mewn ffos.

Mohammed Eisa Daniel oedd yr unig un i oroesi'r ddamwain Mohammed Eisa Daniel oedd yr unig un i oroesi'r ddamwain

Roedden nhw ar y ffordd i Jeddah i gyfarfod teulu.

Yn ôl adroddiadau roedd disgwyl i Saira Zenub briodi'r wythnos yma.

Cafwyd hyd i Mohammed Eisa Daniel ym mreichiau ei daid.

Roedd wedi cael anafiadau i'w ysgwydd, wedi torri ei fraich ac asennau.

Mae'n cael triniaeth bellach yn y DU.

Roedd y teulu yn adnabyddus yng Nghasnewydd drwy waith elusennol ac yn 2010 fe wnaethon nhw godi arian ar gyfer dioddefwyr llifogydd yn Pacistan.

Cafodd y pump eu claddu ym mynwent Jannat-ul-Baqi yn Medina.

Roedd tua 20 o deulu wedi hedfan yno.

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.