16 Chwefror 2013 Diweddarwyd 10:24

Dynes mewn cyflwr difrifol wedi tân mewn fflat yng Nghonwy

Y Gwasanaeth Tân tu allan i'r fflat Cafodd y gwasanaethau brys eu galw i'r safle tua 5.18pm nos Wener

Mae dynes 34 oed a gafodd ei hachub o dân mewn fflat yng nghanol tref Conwy mewn cyflwr difrifol yn yr ysbyty.

Mae hi'n derbyn triniaeth yn yr uned gofal dwys.

Llwyddodd dyn 36 oed i ddianc o'r tân ac mae o'n derbyn triniaeth am effeithiau anadlu mwg wedi'r digwyddiad yn y fflat llawr cyntaf yn Stryd Berry.

Cafodd y gwasanaethau brys eu galw i'r digwyddiad tua 5.18pm nos Wener ar ôl i berchennog adeilad gerllaw weld y mwg a'r fflamau.

Mae'r gwasanaeth tân a'r heddlu yn ymchwilio.

Cafodd criwiau o Gonwy a Llandudno eu galw i'r digwyddiad.

Bu'n rhaid i'r diffoddwyr ddefnyddio offer anadlu arbennig i fynd i mewn i'r adeilad i achub y ddynes a diffodd y fflamau.

Mwy Am y Stori Hon

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2013 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.