Cynrychiolydd Llywodraeth Cymru i weithio yn San Francisco

Golden Gate  San Francisco Un o atyniadau amlyca'r ddinas yw Pont y Golden Gate

Straeon Perthnasol

Bydd cynrychiolydd o Lywodraeth Cymru yn cael ei sefydlu yn Swyddfa Is-gennad Prydain yn San Francisco.

Cyhoeddodd y Prif Weinidog, Carwyn Jones, y newyddion yn ystod taith fasnach i arfordir gorllewinol UDA.

Bu'r Prif Weinidog yn ymweld â Swyddfa'r Is-gennad i gadarnhau y bydd aelod o staff Llywodraeth Cymru yn cael ei leoli yn yr adeilad ac y byddai'r aelod hwnnw'n cydweithio'n agos â thîm Masnach a Buddsoddi'r DU yn y ddinas.

Y bwriad fydd denu masnach a buddsoddwyr i Gymru.

Mae hyn yn ychwanegu at y gynrychiolaeth sydd gan Gymru yn yr Unol Daleithiau yn barod, yn Efrog Newydd ac yn Washington DC.

Yn ôl y llywodraeth, mae masnach rhwng yr Unol Daleithiau a Chymru yn tyfu - roedd y ffigwr yn £3.3 biliwn yn 2012.

Mae 18 o gwmnïau o Gymru wedi ymuno â'r Prif Weinidog ar y daith fasnach i geisio adeiladu ar hynny.

'Pont'

Dywedodd Mr Jones: "Mae San Francisco yn gartref i un o safleoedd enwocaf y byd, y Golden Gate Bridge.

"Mae modd i chi ddisgrifio'n presenoldeb ni yma fel pont rhwng Cymru ag economi eang Arfordir Gorllewin America.

"Mae Swyddfa'r Is-gennad yn rhoi platfform perffaith i ni allu hybu Cymru a'r hyn sydd ganddi i'w gynnig i fusnesau a buddsoddwyr posib.

"Mae gan Lywodraeth Cymru ddyletswydd i ddenu buddsoddwyr uchel eu parch i Gymru - a gwneud hyn hyd eithaf ein gallu.

"Mae'n rhaid i ni gael ein gweld mewn marchnadoedd tebyg i'r un hon yng Ngorllewin America er mwyn cyflawni'r nod hwn.

"Mae'r neges yn un syml.

"Mae Cymru ar gael i chi fel gwlad ragorol i leoli'ch cwmnïau. Bydd croeso mawr yn eich disgwyl yno."

Mwy Am y Stori Hon

Straeon Perthnasol

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.