Llong yn cyrraedd Caergybi

Llong Airbus - llun gan Ray McGowan Aeth y llong yn sownd ar y tywod ar Ionawr 30

Straeon Perthnasol

Mae llong sy'n cludo adenydd awyren airbus wedi cyrraedd porthladd Caergybi, Ynys Mon.

Roedd y Ciudad de Cadiz edi bod yn sownd ar y tywod ger porthladd Mostyn ers dros wythnos.

Llwyddodd yr awdurdodau i'w symud ddydd Sadwrn.

Cyrhaeddodd Caergybi am 7.50 am ddydd Sul.

Bydd perianwyr yn archwilio'r llong er mwyn sicrhau nad yw wedi ei difrodi.

Roedd y llong yn cludo adenydd o ffatri cwmni Airbus ym Mrychdyn i bencadlys y cwmni yn Toulouse, Ffrainc.

Ar ei ffordd i godi llwyth ar Ionawr 30, daeth y llong yn rhydd o'i hangor mewn gwyntoedd cryfion cyn mynd yn sownd ger y fynedfa i borthladd Mostyn.

Bu samwl ymgais aflwyddiannus i'w symud.

Dywedodd llefarydd ar ran cwmni Airbus:

"Mae'r llanw uchel yn ddiweddar wedi bod yn is na'r disgwyl, felly fe wnaed y penderfyniad i ohirio'r ymgais nesaf tan ddydd Sadwrn, Chwefror 9.

"Mae'r llong mewn safle cadarn a diogel ar dwyn tywod. Does dim llygredd morol."

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.