Asbestos: Gwraig yn marw o ganser

Ffibrau asbestos Mae ffibrau asbestos yn gysylltiedig â'r canser mesothelioma

Straeon Perthnasol

Bu farw gwraig o ganser oherwydd ei bod bob dydd yn golchi dillad gwaith ei gŵr oedd yn gweithio ym Mhwerdy Aberddawan ym Mro Morgannwg.

Clywodd cwest Valerie Ward, 78 oed, o' Barri wedi bod yn golchi dillad gwaith ei gŵr Eric am dros 20 mlynedd.

Roedd hi wedi anadlu ffibrau asbestos wrth ysgwyd y dillad gwaith a bu farw 10 wythnos ar ôl i'w gŵr gael gwybod ei fod yn diodde' o mesothelioma.

Dywedodd ei merch Avril: "Mae'n debyg fod mam wedi marw 10 mlynedd cyn ei hamser.

"Fe wnaeth fy nhad weithio yn y pwerdy am 20 mlynedd.

'Ddim yn gwybod'

"Roedd Mam wastad yn golchi ei ddillad ar ôl iddo ddod adref.

"Doedd hi ddim yn gwybod am beryglon y llwch a'r ffibrau ar y dillad.

"Fe gollodd e lot o ffrindiau a chydweithwyr oherwydd yr afiechyd.

"Bach iawn oedd pobl yn gwybod am y cyflwr ar y pryd a bach iawn gafodd ei wneud i amddiffyn y gweithwyr."

Cofnodwyd rheithfarn o farwolaeth oherwydd clefyd diwydiannol.

Mae mesothelioma yn ganser sy'n effeithio ar leinin yr ystymog,.

Mae'r gŵr 85 oed yn parhau i dderbyn triniaeth oherwydd yr asbestos yn ei ysgyfaint.

Cafodd y teulu iawndal o £8,775 gafodd ei roi i hosbis elusen Marie Curie.

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.