Llong y Ciudad de Cadiz yn sownd am wythnos arall

llun gan Ray McGowan Mae'r llong yn un o dair sy'n cael eu defnyddio i gludo adenydd awyren yr Airbus A380.

Straeon Perthnasol

Bu'n rhaid rhoi'r gorau i gynlluniau fore Sadwrn i geisio rhyddhau llong gargo a aeth yn sownd ar dwyni tywod ym mhorthladd Mostyn yn Sir y Fflint ddydd Mercher.

Fe aeth y Ciudad de Cadiz sy'n cludo adenydd o ffatri Airbus ym Mrychdyn i Ffrainc i drafferthion yn ystod gwyntoedd cryfion.

Fe fydd ymdrechion pellach i symud y llong pan fydd yr amodau'n fwy ffafriol ymhen wythnos.

Dywedodd Jim O'Toole o Borthladd Mostyn na fyddai'r llanw yn debyg o fod yn ddigon uchel tan ddydd Sadwrn nesaf.

Dywed Gwylwyr y Glannau nad yw'r llong mewn perygl wedi'r digwyddiad ger porthladd Mostyn am tua 1:45pm ddydd Mercher.

Gadawodd y criw o 23 oedd ar fwrdd y Ciudad de Cadiz yn ddiogel ddydd Mercher.

Dywedodd Airbus nad yw hwn yn "fater o ddiogelwch" ac nad oedd "unrhyw beth i bryderu amdano".

Roedd y llong yn disgwyl i fynd i mewn i'r porthladd er mwyn codi adenydd a gafodd eu gwneud yn ffatri Airbus er mwyn eu cludo i ffatri adeiladu'r cwmni yn Toulouse yn Ffrainc.

Mae'r llong yn un o dair sy'n cael eu defnyddio i gludo adenydd awyren yr Airbus A380.

Roedd gwyntoedd yn hyrddio ar gyflymder o 52 not pan ddaeth y llong yn rhydd o'i hangor y tu allan i'r porthladd.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.