Eisteddfod yr Urdd yn ymweld â'r Bala yn 2014

Logo Eisteddfod yr Urdd 2014 Bu Eisteddfod yr Urdd ym Meirionnydd y tro diwethaf yn 1994

Straeon Perthnasol

Cyhoeddodd Urdd Gobaith Cymru mai caeau Rhiwlas ger Y Bala fydd cartref yr Eisteddfod pan fydd hi'n ymweld â Meirionnydd yn 2014.

Yn ystod y broses ymgynghori, gychwynnodd nôl yn nechrau 2012, cafodd drigolion Meirionnydd gais i gynnig lleoliadau posibl ac o ganlyniad fe ymwelwyd gyda naw safle ym mhob cwr o'r sir.

Wedi'r ymweliadau cychwynnol, lluniwyd rhestr fer o dri safle - yn Nhywyn, Harlech a'r Bala.

Holiwyd barn sefydliadau a deiliaid diddordeb allanol, ac o ganlyniad penderfynodd Pwyllgor Technegol Canolog yr Eisteddfod mai'r Bala oedd y lleoliad mwyaf addas.

'Cryfderau amlwg'

Yn ôl Aled Sion, Cyfarwyddwr yr Eisteddfod:

"Er bod gan y tri safle ar y rhestr fer gryfderau a rhagoriaethau, roedd cryfderau amlwg yn Y Bala. Yn benodol, mae digon o dir da, addas ar y safle ac mae'n hygyrch o bob cyfeiriad.

"Mae'r safle hefyd wedi bod yn gartref i ddwy Eisteddfod Genedlaethol lwyddiannus, ddangosodd fod y systemau trafnidiaeth a pharcio yn gweithio yn dda iawn yn y lleoliad.

"Mae hefyd digon o dir gwastad yn y safle i leoli'r Maes, Maes Carafannau a'r Meysydd Parcio ac mae'n agos at y dref.

"Hoffwn ddiolch i'r pwyllgorau lleol a'r asiantaethau allanol am eu mewnbwn i'r broses ymgynghori ac edrychwn ymlaen at Eisteddfod lwyddiannus ym Meirionydd yn 2014."

Ychwanegodd Hedd Pugh, Cadeirydd y Pwyllgor Gwaith:

"Rydym yn gwerthfawrogi'n fawr fod cynifer o ardaloedd gwahanol ym Meirionnydd yn awyddus i groesawu'r Eisteddfod i'w bro ac rydym yn edrych ymlaen at gydweithio gyda phobl o bob rhan o'r sir er mwyn sicrhau Eisteddfod fythgofiadwy ym Meirionnydd."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.