Iwerddon werth miliynau i economi Cymru yn ôl Carwyn Jones

Carwyn Jones Mae'r Weriniaeth yn allweddol i economi Cymru yn ôl Carwyn Jones

Straeon Perthnasol

Caiff cwmnïau o Weriniaeth Iwerddon eu hannog i fuddsoddi yng Nghymru gan Brif Weinidog Cymru.

Dyna brif neges araith Carwyn Jones i arweinwyr busnes yn Nulyn ddydd Gwener.

Bydd yn pwysleisio'r ffaith mai Iwerddon yw ail farchnad allforio fwyaf Cymru, sydd werth dros £1.5 biliwn y flwyddyn.

Dywed y dylai'r ddwy wlad gryfhau eu cysylltiadau busnes ac "annog adfywio a sbarduno twf".

Fe ddaw ei araith ar ail ddiwrnod ei ymweliad a'r Weriniaeth.

Mae Mr Jones yn annerch cynhadledd flynyddol gyntaf y Siambr Fasnach Brydeinig-Wyddelig.

'Lleoliad perffaith'

Ac fe ddaw ddiwrnod ar ôl cynnal trafodaethau gydag Arlywydd y Weriniaeth, Michael Higgins, ddydd Iau.

"Rwy'n falch iawn o'n llwyddiant o ran denu mewnfuddsoddiad mewn sectorau fel bwyd, gweithgynhyrchu ac ynni.

"Mae Cymru mewn lleoliad perffaith - rydyn ni'n agos i Iwerddon ac yn cynnig mynediad i farchnad y DU."

Diwrnod ar ôl i David Cameron addo refferendwm ar aelodau Prydain o fewn yr Undeb Ewropeaidd petai'r Ceidwadwyr yn ennill yr etholiad nesaf, pwysleisiodd Mr Jones bwysigrwydd y Farchnad Sengl i ffyniant Cymru ac Iwerddon.

"Er gwaetha'r cyfnod heriol iawn hwn, rwy'n gryf o'r farn mai'r ffordd orau o ddod drwy'r tywydd stormus yw drwy ddod ynghyd o dan faner yr Undeb Ewropeaidd a'r Farchnad Sengl.

"Drwy ganolbwyntio ar gryfhau'r cysylltiadau busnes rhwng y ddwy wlad, gallwn annog adfywio a sbarduno twf."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.