Mwy o blismyn wrth godi cyllid yr heddlu o dreth cyngor

Winston Roddick QC Cafodd Winston Roddick ei ethol yn Gomisiynydd Heddlu Gogledd Cymru ym mis Tachwedd 2012

Straeon Perthnasol

Mae Comisiynydd Heddlu a Throsedd Gogledd Cymru wedi cynyddu'r cyllid mae'r llu yn ei dderbyn o dreth cyngor i 3.98%.

Mae'r cynnydd yn golygu y bydd rhywun sy'n talu treth ym Mand D yn talu £233 y flwyddyn - 17 ceiniog yn ychwanegol bob wythnos.

Yn ei gyllideb gynta' ers cael ei ethol ym mis Tachwedd, dywedodd Winston Roddick QC y byddai'r cynnydd yn golygu bod modd cyflogi 51 yn rhagor o blismyn.

Cafodd y cynnydd sêl bendith y Panel Heddlu a Throsedd a dywedon nhw y dylai'r arian gael ei gadw i gyflogi heddweision.

Mewn adroddiad a gyflwynwyd i'r panel ddydd Llun esboniodd Mr Roddick yr angen am y cynnydd sydd uwchlaw chwyddiant.

'Diogelwch'

"Rwyf eisiau sicrhau diogelwch yn y cartre' ac mewn mannau cyhoeddus."

Dywedodd y byddai'r plismyn ychwanegol "yn rhoi gwell opsiynau o ran canolbwyntio ar leihau trosedd drwy fesurau atal a lleihau'r newid i gymunedau."

Bydd y swyddi ychwanegol yn golygu bod nifer y plismyn yn codi o 1,417 i 1,468.

Roedd angen i'r panel gymeradwyo'r cynnydd cyn i'r biliau gael eu hanfon i drethdalwyr a chafodd y cynnig ei dderbyn yn unfrydol.

Yn y cyfarfod yng Nghonwy ddydd Llun cafodd Anna Humphreys ei phenodi'n brif weithredwr yn swyddfa'r Comisiynydd Heddlu a Throsedd, gyda chyflog o £75,000.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.