Tlws yr FA: Wrecsam i herio Southport

Andy Morrell Mae Andy Morrell yn awyddus i ennill Tlws yr FA eleni

Straeon Perthnasol

Bydd yn rhaid i Wrecsam deithio oddi cartref i chwarae Southport yn rownd wyth olaf Tlws yr FA.

Bydd y gêm yn cael ei chynnal yn Stadiwm Merseyrail ar ddydd Sadwrn, Ionawr 26.

Cyrhaeddodd y Dreigiau'r wyth ola' ar ôl curo Sutton United 5-0 oddi cartref ddydd Sadwrn.

Dywedodd chwaraewr-reolwr Wrecsam, Andy Morrell, fod y clwb yn awyddus i ennill Tlws yr FA eleni.

"Does dim rhaid inni deithio'n bell ac mae gennym siawns o gyrraedd y rownd gynderfynol," meddai.

Mae Wrecsam eisoes wedi curo Southport ddwywaith y tymor hwn.

Curodd Wrecsam Southport o ddwy gôl i ddim yng Nghwpan yr FA ym mis Hydref, cyn ennill 4-1 yn Stadiwm Merseyrail yn Uwchgynghrair Blue Square ym mis Tachwedd.

Mae Wrecsam ar frig Uwchgynghriar Blue Square yn dilyn eu buddugoliaeth 2-1 yn Alfreton ddydd Mawrth diwethaf.

Tlws yr FA: Rownd yr Wyth olaf

Halifax v Dartford

Drindod Gainsborough v Gateshead neu Barrow

Grimsby v Luton

Southport v Wrecsam

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.