11 Ionawr 2013 Diweddarwyd 17:26

Jessops: Pum cangen i gau yng Nghymru

Cyhoeddodd y gweinyddwyr y bydd pob un o siopau Jessops ym Mhrydain yn cau.

Mae pump o'r 187 cangen y siop ffotograffiaeth yng Nghymru.

Fe ddaeth hi i'r amlwg ddydd Mercher fod y cwmni wedi mynd i ddwylo'r gweinyddwyr.

Mae'r gweinyddwyr, PricewaterhouseCoopers yn dweud y bydd 1,370 o swyddi'n diflannu, a rhagor o ddiswyddiadau'n debygol yn y pencadlys yng Nghaerlŷr.

Dywed y gweinyddwyr y byddai'r broses o gau'r siopau yn dechrau ar ôl i'r siopau gau ddiwedd y dydd ddydd Gwener.

Mae gan y cwmni ganghennau yn Aberystwyth, Caerdydd, Llandudno, Abertawe a Wrecsam.

Mae'r cwmni wedi dioddef o ganlyniad i gystadleuaeth gan gwmnïau ar-lein a'r cynnydd o ran gwerthiant camerâu mewn ffonau deallus yn ystod y blynyddoedd diwethaf.

Mwy Am y Stori Hon

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2013 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.