Ailwampio neuadd farchnad Aberystywth ar gost o £350,000

Neuadd farchnad Aberystwyth Y bwriad yw 'creu lle brafiach i siopa a masnachu'

Straeon Perthnasol

Mae cynllun gwerth £350,000 yn anelu at adnewyddu Neuadd y Farchnad yn y Stryd Fawr yn Aberystwyth.

Y nod yw adnewyddu'r stondinau presennol a chodi rhai newydd yng nghefn yr adeilad.

Bydd y gwaith yn dod i ben ym mis Ebrill 2013 a'r bwriad yw "creu lle brafiach ar gyfer siopa a masnachu".

Yn y cyfamser, mae'r rhan fwya' o fasnachwyr wedi symud dros dro i'r siop wag yn Ffordd y Môr yn hen safle siop Boots.

Bydd pedair uned, yn cael eu hariannu gan Cynnal y Cardi drwy'r Cynllun Datblygu Gwledig, ar gael i fusnesau sy'n dymuno gwerthu nwyddau.

Hefyd bydd gwasanaeth mentora'n eu helpu i symud i stondin yn y neuadd neu siop wag yng nghanol y dref.

Adfywio

Mae'r adnewyddu yn rhan o gynllun ehangach i adfywio Aberystwyth, ac ynghyd â'r cynigion i ailwampio sgwâr Tŵr y Cloc, y nod yw denu mwy o bobl yn ôl i ben uchaf y Stryd Fawr.

Dywedodd y Cynghorydd Gareth Lloyd, Aelod Cabinet Ceredigion dros Ddatblygu Economaidd, Datblygu Cymunedol, Hamdden a Diwylliant: "Dyma enghraifft dda o weithio mewn partneriaeth, gyda masnachwyr y farchnad a'r cyngor sir yn cydweithio i reoli'r prosiect, gan achosi cyn lleied o drafferth â phosib i'r busnesau.

"Bydd y cyllid ar y cyd yn darparu neuadd farchnad newydd sbon ac unedau deori i annog pobl i ddechrau busnesau yn y dre'."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.