Cynghorwyr ddim am dorri'n rhydd o gyngor sir

Mae cyngor tref Llanelli yn cyhuddo'r cyngor sir o anwybyddu'r dre Mae Cyngor Tref Llanelli yn cyhuddo'r cyngor sir o anwybyddu'r dre

Straeon Perthnasol

Roedd cyngor tref Llanelli yn trafod nos Fercher a ddylen nhw dorri'n rhydd o Gyngor Sir Caerfyrddin a symud grym nôl i'r dref.

Maen nhw'n cyhuddo'r cyngor sir o anwybyddu'r dref a difetha canol Llanelli.

Ond fe wnaeth cynghorwyr y dref wrthod cynlluniau i adael Cyngor Sir Caerfyrddin.

Cyn y bleidlais dywedodd Ruth Price, cynghorydd ar gyngor tref Llanelli: "Mae'r cyngor sir yn gwybod taw lle trefol yw Llanelli, ond mae'n lumped mewn gyda'r sir wledig.

"Weithiau dyw rhai o'r penderfyniadau ddim yn adlewyrchu yr hyn sy'n iawn i Lanelli fel lle trefol, gyda thrydydd rhan o boblogaeth sir Gâr.

"Weithiau dyw penderfyniadau ddim yn adlewyrchu anghenion Llanelli - dwi ddim yn sôn am yr arian ond am y math o benderfyniadau sy'n cael eu gwneud."

Datblygiadau newydd

Adroddiad Owain Evans

Mae Cyngor Sir Caerfyrddin yn wfftio honiadau'r cyngor tref ac mewn datganiad mae'r Prif Weithredwr Mark James yn cyfeirio at ddatblygiad newydd Porth y Dwyrain - datblygiad o swyddfeydd, sinema a bwytai gwerth £25 miliwn, a'r theatr newydd ynghanol y dref, Theatr Ffwrnes, datblygiad gwerth £15 miliwn.

Mae'r cyngor sir hefyd yn pwysleisio buddsoddiad diweddar mewn ysgolion newydd, gwelliannau i dai cyngor a gwariant ar ddatblygu adnoddau hamdden fel clwb Golff Machynys, Parc y Scarlets a chwrs rasio Ffos Las.

Roedd gwaith ymchwil a gomisiynwyd gan BBC Cymru y llynedd wedi canfod fod gan Lanelli'r nifer uchaf o siopau gwag (27.9%) ac mai yno y gwelwyd y cynnydd mwya' dros y tair blynedd diwetha', o 17.4%.

Ond roedd Cyngor Sir Caerfyrddin yn amau'r ffigurau hyn, ac yn honni mai rhwng 15-16% o siopau yng nghanol tre' Llanelli oedd yn wag.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.