Teyrnged teulu wedi damwain angheuol ym mhentref Gwersyllt

Ian Gallagher Roedd Ian Gallagher am fod yn filwr

Straeon Perthnasol

Mae teulu dyn 17 oed a fu farw wedi gwrthdrawiad ar ffordd yn Sir Wrecsam wedi talu teyrnged iddo.

Roedd Ian Gallagher yn fyfyriwr a fu farw ar Ddydd Calan ger pentref Gwersyllt.

Cafodd ei ddisgrifio fel "myfyriwr cariadus anhunanol".

Fe ddigwyddodd y gwrthdrawiad ar yr A541 Ffordd Yr Wyddgrug am 00.37am ar Ionawr 1 2013 rhwng cylchdro siop B&Q a phentref Gwersyllt.

Bu mewn gwrthdrawiad a char VW Polo.

Aed ag o i Ysbyty Maelor Wrecsam gydag anafiadau difrifol a bu farw yno yn ddiweddarach.

'Cefnogaeth'

Dywedodd y datganiad bod ei rieni, Alan ac Andrea Gallagher, ei frawd Phillip a'i chwaer Beth, a'i neiniau, teidiau, modrybedd, ewythrod a chefndryd wedi eu llethu gan gefnogaeth y gymuned leol a'i ffrindiau.

"Mae'r negeseuon a'r gefnogaeth yn y cymunedau yn Ninbych, Caerwys a Wrecsam wedi bod yn anhygoel," meddai ei dad.

Start Quote

Roedd yn caru ei deulu a'i ffrindiau a bob tro yn rhoi eraill o flaen ei hun”

End Quote Alan Gallagher Tad Ian Gallagher

"Rydym yn ddiolchgar iawn amdano."

Roedd Ian Gallagher yn gyn-ddisgybl yn Ysgol Uwchradd Dinbych ac yn adnabyddus yng Nghaerwys, lle'r oedd ei nain a'i daid yn byw.

Roedd yn gobeithio ymuno gyda'r fyddin ac wedi bod yn hyfforddi yn y coleg yn Wrecsam.

"I ni, roedd o eisoes yn filwr ac roeddem yn hynod falch ohono a'r hyn y cyflawnodd," ychwanegodd ei dad.

"Doedd o byth yn barod i beidio sefyll am yr hyn oedd yn iawn.

"Roedd yn caru ei deulu a'i ffrindiau a bob tro yn rhoi eraill o flaen ei hun."

Fe wnaeth ei rieni dalu teyrnged hefyd i'r rhai geisiodd helpu eu mab wedi'r digwyddiad.

"Roedd y gwasanaethau brys, y staff meddygol yn wych ac rydym yn ddiolchgar iawn am bopeth wnaethon nhw i Ian.

"Allwn ni ddim diolch digon."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.