Pryder am lifogydd gyda disgwyl mwy o law trwm ddydd Sul

Fe wnaeth Afon Tywi orlifo ei glannau ddydd Sadwrn yng Nghaerfyrddin Fe wnaeth Afon Tywi orlifo ei glannau ddydd Sadwrn yng Nghaerfyrddin

Straeon Perthnasol

Mae Asiantaeth yr Amgylchedd yn gofyn i bobl fod ar eu gwyliadwraeth oherwydd posibilrwydd o lifogydd wrth i fwy o law ddisgyn mewn rhannau helaeth o Gymru.

Mae'r Asiantaeth bellach wedi cyhoeddi chwe rhybudd llifogydd ac mae 'na ddegau o rybuddion bod llifogydd yn bosibl yng Nghymru.

Yn ôl arbenigwyr mae disgwyl i law trwm effeithio ar Gymru tua amser cinio ddydd Sul gyda chymaint â 80 mm o law ar dir uchel yn Eryri.

Daw hyn ar ôl glaw trwm nos Wener a bore Sadwrn.

O ganlyniad i hwnnw cafodd y gwasanaeth tân eu galw i achosion o lifogydd yn Aberdaugleddau, Aberporth ac Ynys Bŷr oddi ar arfordir Dinbych-y-Pysgod ddydd Sadwrn.

Mae'r rhybuddion llifogydd ar Afonydd Tywi yn Abergwili; Cothi ym Mhontargothi a Phontynyswen; Dyffryn Dyfi, dros Bont Dyfi a'r A487; Dyffryn Conwy; Afon Ritec yn Ninbych-y-Pysgod a'r Ddyfrdwy Isa' o Langollen i Gaer.

Hefyd cafodd nifer o ffyrdd eu heffeithio yn Sir Benfro, Sir Gaerfyrddin a Phowys.

Bu'r A40 ar gau mewn sawl lle, yn Aberhonddu, Pontsenni, Llandeilo a Chas-blaidd ddydd Sadwrn.

Defnyddio cwch

Bu diffoddwyr yn clirio dŵr o dafarn y Priory yn Aberdaugleddau a bu swyddogion yn trafod pa gamau i'w cymryd oherwydd pryder o lifogydd o bwll mawr o ddŵr.

Fe allai'r dŵr yno orlifo a lledu i ardal ehangach gan nad yw'r dŵr yn clirio.

Cafodd chwech o ddiffoddwyr tân o Ddinbych-y-Pysgod eu hanfon i Ynys Bŷr gyda chwch i helpu criw o wirfoddolwyr i daclo llifogydd yno.

Bu'n rhaid iddyn nhw ddychwelyd gyda hofrennydd am fod y môr rhy arw.

Yn ôl Owain Wyn Evans, sy'n cyflwyno'r tywydd i BBC Cymru, y pryder yw bod y tir yn dal yn wlyb iawn.

"Dydi lefel yr afonydd ddim wedi cael amser i ddychwelyd i'r lefel arferol.

"Mae gan Y Swyddfa Dywydd rybudd melyn ar draws y rhan fwyaf o Gymru heddiw, rhybudd am law trwm."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.