£82m i wella ffordd Blaenau'r Cymoedd

Rhan o ffordd yr A465 rhwng Gilwern yn Sir Fynwy a Brynmawr ym Mlaenau Gwent Nod y cynllun yw gwella diogelwch a lleihau amseroedd teithio ar yr A465

Straeon Perthnasol

Daeth cadarnhad fod £82 miliwn o arian Ewrop wedi ei gymeradwyo ar gyfer gwaith i wella ffordd Blaenau'r Cymoedd, yr A465.

Mae hynny'n golygu y gall y gwaith ddechrau ar unwaith ac fe fydd y dywarchen gyntaf yn cael ei thorri ddydd Llun gan y Gweinidog sydd â chyfrifoldeb am drafnidiaeth, Carl Sargeant AC.

Bydd y gwaith yn golygu lledu'r ffordd rhwng Brynmawr a Thredegar - rhyw 4.9 milltir - i fod yn ffordd ddeuol, gyda'r nod o leihau oedi a gwella diogelwch ar ran o'r ffordd ble mae sawl damwain wedi digwydd.

Fel rhan o'r cynllun bydd llwybrau seiclo ychwanegol yn cael eu darparu hefyd ynghyd â gwelliannau i'r hen A465 er budd y gymuned leol.

'Prif wythïen'

Dywedodd Mr Sargeant: "Mae'r A465 yn brif wythïen yn ein rhwydwaith drafnidiaeth, a dyma'r brif ffordd rhwng gorllewin Cymru a chanolbarth Lloegr.

"Ond nid mater o wella ffordd yn unig yw hwn.

"Ynghyd â gwella diogelwch a lleihau amseroedd teithio i bobl fusnes a chymudwyr, bydd lledu Ffordd Blaenau'r Cymoedd yn cyfrannu tuag at adfywiad ehangach i'r rhanbarth.

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.