7 Rhagfyr 2012 Diweddarwyd 14:02

'Codi proffil'

Baner Mae ymgyrch wedi bod i geisio sicrhau bod gan bobl yr hawl i ddefnyddio Cymru neu Wales ar eu cyfeiriad rhyngrwyd

Straeon Perthnasol

Mae corff cofrestru'r Deyrnas Gyfun ar gyfer cyfeiriadau'r we, Nominet, wedi lansio ymgynghoriad.

Yn gynharach eleni awgrymodd Nominet i Icann, y corff rhyngrwyd rhyngwladol, y dylid defnyddio '.cymru' a '.wales'.

Dywedodd Nominet fod yr ymgynhoriad yn "gyfle i bobl Cymru 'r gymuned Gymreig ddweud wrthym sut maen nhw am i'r parthau newydd weithio".

Yng nghinio blynyddol Sefydliad y Cyfarwyddwyr yng Nghaerdydd ddydd Gwener dywedodd Cadeirydd Nominet, y Farwnes Rennie Fritchie: "Bydd y parthau newydd yn chwarae rôl bositif wrth godi proffil brand Cymru a sicrhau presenoldeb uwch i Gymru ar y we".

Dywedodd Nominet eu bod am wybod:

- A ddylai fod cyswllt rhwng .cymru a .wales ac os felly, sut y gallai'r cyswllt weithio?

· A ddylai fod unrhyw gyfyngiadau ar bwy sy'n gallu cofrestru parthau .cymru neu .wales?

· Beth yw'r ffordd orau i reoli parthau Cymraeg?

Mae ymgynghoriad Nominet yn parhau tan Chwefror 28, 2013.

Deellir y gallai'r ceisiadau i Icann ar gyfer enwau unigol gostio hyd at £120,000 yr un.

Eisoes mae Llywodraeth Cymru wedi dweud na fyddan nhw'n talu am unrhyw geisiadau.

Mwy Am y Stori Hon

Straeon Perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2013 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.