Remploy: Dwy ffatri dan fygythiad

Two disabled employees at work Mae Remploy yn cyflogi gweithwyr anabl mewn ffatrïoedd

Straeon Perthnasol

Mae dwy ffatri Remploy, lle mae 140 o bobl yn gweithio, o dan fygythiad.

Cafodd gweithwyr Y Porth yn y Rhondda a Chastell-nedd wybod eu bod yn wynebu diswyddiadau gorfodol.

Ym mis Mawrth cyhoeddodd y llywodraeth y byddai ffatrïoedd yn cau yn Aberdâr, Abertyleri, Pen-y-bont ar Ogwr, Croespenmaen, Merthyr Tudful, Abertawe a Wrecsam ac y byddai'r ffatrïoedd yn Y Porth a Chastell-nedd yn parhau ar agor.

Bydd y ffatri ym Mhen-y-bont ar Ogwr, sy'n cyflogi 46, yn cau ym mis Mawrth 2013.

Mae'r ffatri yng Nghastell-nedd yn rhan o fusnes gelfi ac yn cyflogi 67 o bobl.

Roedd Remploy wedi dweud eu bod yn gobeithio fod gan y ffatri ddyfodol.

Yn Y Porth mae'r ffatri yn ailgylchu cyfarpar cyfrifiadurol ac yn cyflogi 72 o bobl.

189

Roedd Remploy wedi dweud na fyddai'n debygol o aros ar agor heb gymhorthdal y llywodraeth.

Caeodd pump o ffatrïoedd - yn Aberdâr, Abertyleri, Merthyr Tudful, Abertawe a Wrecsam - yn ystod yr haf gyda 189 o bobl yn colli'u gwaith.

Collodd 46 o bobl eu gwaith pan gaeodd y ffatri yng Nghroespenmaen, Sir Caerffili, ym mis Tachwedd.

Cafodd ffatrïoedd Remploy eu sefydlu 66 o flynyddoedd yn ôl.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.