5 Rhagfyr 2012 Diweddarwyd 15:21

Tata: Gweithiwr yn yr ysbyty wedi iddo gwympo

Mae gweithiwr wedi ei anafu ar ôl iddo gwympo yn ffatri dur Tata ger Port Talbot.

Roedd y peiriannydd yn gweithio ar ffwrnais rhif pedwar pan gwympodd toc wedi hanner dydd, ddydd Mercher.

Cafodd y dyn, sydd yn ei 40au, ei gludo i'r ysbyty mewn hofrennydd.

Y gred yw nad yw ei anafiadau'n rhai difrifol.

Dywedodd llefarydd ar ran Ambiwlans Awyr Cymru fod y dyn wedi dioddef anafiadau i'w ben a'i fod wedi ei gludo i Ysbyty Treforys.

Dywedodd llefarydd ar ran cwmni Tata fod cynllun Iechyd a Diogelwch y safle wedi gweithio'n dda.

Ychwanegodd mai diogelwch oedd prif flaenoriaeth y cwmni.

Mwy Am y Stori Hon

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2013 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.