Ymgyrch i hybu ieithoedd a gwyddoniaeth mewn ysgolion

Plant ysgol Mae'r ymgyrch yn annog plant i astudio ieithoedd a phynciau gwyddoniaeth

Straeon Perthnasol

Mae dau fudiad sy'n ceisio hybu ieithoedd modern a phynciau gwyddonol drwy ddefnyddio 'llysgenhadon" ar fin mynd i ysgolion y gogledd-ddwyrain.

Fel rheol mae'r "llysgenhadon" o fyd busnes ac yn ymweld ag ysgolion uwchradd er mwyn sôn am y cyfleoedd ar gael.

Dywedodd Sian Ashton o STEMNET, sy'n hybu diddordeb mewn gwyddoniaeth, technoleg, peirianneg a mathemateg, y gallai siarad iaith arall fod yn bwysig iawn i wyddonwyr a pheirianwyr.

Eisoes mae STEMNET a CILT Cymru, y Ganolfan ar gyfer Ieithoedd Tramor, wedi bod i ysgolion y de.

'Rhyngwladol'

"Weithiau mae cwmnïau mawr yn dweud bod angen cymhwyster peirianyddol ac yn nodi bod ieithoedd yn bwysig," meddai Ms Ashton.

"Os nad yw'r unigolyn ar gael yng Nghymru maen nhw'n mynd i wledydd lle mae hi'n gyffredin i bobl siarad mwy nag un iaith, gan gynnwys Saesneg, fel yr Iseldiroedd, Sweden neu ddwyrain Ewrop.

"Hefyd maen nhw angen siaradwyr iaith er mwyn helpu eu cwmnïau dyfu'n rhyngwladol."

Yn 2013 bydd "llysgennad" â chysylltiadau â chwmni Airbus yn mynd i Ysgol Sir Richard Gwyn yn Y Fflint.

Yr wythnos ddiwethaf aeth Jana Witt, gwyddonwraig o'r Almaen, i Ysgol Gyfun y Bontfaen ym Mro Morgannwg.

Esboniodd sut yr oedd astudio ieithoedd wedi bod yn fantais iddi ym myd gwyddoniaeth.

'Mwynhau'

Dywedodd Emma Green, pennaeth adran ieithoedd modern yr ysgol, fod y disgyblion wedi ymateb yn dda iawn.

"Fe wnaethon nhw fwynhau'r gweithgareddau," meddai.

"Roedd yn ddigwyddiad effeithiol ac roedd yn ddiddorol ystyried gwyddoniaeth o safbwynt ieithoedd ac ieithoedd o safbwynt gwyddoniaeth."

Dywedodd fod yr ysgol mewn sefyllfa "addawol" o ran nifer y disgyblion oedd yn dewis astudio ieithoedd.

"Ond rydym bob amser yn awyddus i gael mwy sy'n dewis ieithoedd," meddai.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.