Cyhuddo llanc ar ôl i fysiau cwmni Bws Casnewydd losgi

Straeon Perthnasol

Mae Heddlu Gwent wedi cyhuddo bachgen 15 oed ar ôl tân yng nghanolfan cwmni Bws Casnewydd.

Cafodd tri bws a cherbyd hyfforddi eu dinistrio yn y digwyddiad ddydd Llun.

Mae 'na dri chyhuddiad, gan gynnwys cynnau tân yn fwriadol gyda'r bwriad o beryglu bywyd.

Mae dau gyhuddiad arall yn ymwneud ag achosion eraill.

Cafodd y gwasanaethau brys eu galw i'r ganolfan ar Corporation Road tua 2:55am fore Llun.

Anfonwyd criwiau tân o Falpas, Maendy a Dyffryn, ynghyd â thanceri dŵr o Gwmbrân.

Fe gymerodd hi ychydig llaw nag awr i ddiffodd y fflamau, yn ôl Gwasanaeth Tân ac Achub De Cymru.

Chafodd neb ei anafu yn y digwyddiad.

Mewn datganiad, dywedodd rheolwr gyfarwyddwr cwmni Bws Casnewydd, Scott Pearson, eu bod wedi colli dau fws sengl ac un bws deulawr, yn ogystal â lori nwyddau trymion oedd yn cael ei defnyddio ar gyfer hyfforddiant.

Fe gychwynodd y tân yn rhan uchaf y ganolfan, ble mae'r cerbydau yn cael eu glanhau ac yn cael tanwydd.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.