Cyngor Sir Ddinbych o blaid codi 1,000 yn fwy o dai

Adroddiad Elen Wyn

Straeon Perthnasol

Mae Cyngor Sir Ddinbych wedi pleidleisio o blaid codi 1,000 o dai ychwanegol fydd yn rhan o Gynllun Datblygu Lleol.

Er gwaetha' gwrthwynebiad o'r oriel gyhoeddus, penderfynodd cynghorwyr fabwysiadu 21 o safleoedd newydd.

Roedd y cyfarfod yn siambr y cyngor yn Rhuthun.

Gofynnwyd i'r cyngor ddod o hyd i fwy o safleoedd am fod arolygwyr cynllunio wedi dweud nad oedd digon yn y cynllun gwreiddiol.

Bydd y safleoedd yn cael eu cyflwyno i'r arolygwyr.

'Pwysau mawr'

Ymgyrchwyr yn Rhuthun Mae gwrthwynebwyr wedi cynnal nifer o gyfarfodydd cyhoeddus a ralïau

Dywedodd arweinydd y cyngor, Huw Evans: "Mae 'na bwysau mawr ar awdurdodau lleol ... y Cynulliad sy'n gosod y targedau."

Nifer fach o dai sydd yn rhai o'r cynlluniau ond mewn safleoedd trefol mae na fwy, er enghraifft 172 yn Llanelwy.

Cafwyd 280 o wrthwynebiadau i'r cynllun dadleuol ac roedd cyfarfod cyhoeddus yn Ninbych yn erbyn y cynllun.

Dywedodd y cabinet fod angen Cynllun Datblygu Lleol "amserol" ar gyfer y sir a'u bod yn derbyn yr adroddiad a'r argymhellion oedd yn ymateb i'r ymgynghoriad.

7,500 o dai

Roedd arolygwyr cynllunio wedi dweud bod angen y cartrefi i "ddiwallu anghenion y sir".

Mae rhai gwrthwynebwyr wedi dweud nad oes angen y tai ac y bydden nhw'n amharu ar gymunedau gwledig.

Roedd gan y cyngor darged blaenorol i godi 7,500 o dai, gan gynnwys treblu maint pentre' Bodelwyddan.

Mae 67% o'r holl dai newydd sydd eisoes wedi eu codi ers cychwyn y cynllun datblygu lleol yn 2006 ar dir brown.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.