Cleifion yn cael eu gorfodi i ddisgwyl yn hirach am driniaeth

Cleifion ym Mhowys i ddisgwyl yn hirach am driniaeth yn Lloegr Cleifion ym Mhowys i ddisgwyl yn hirach am driniaeth yn Lloegr

Mae un o fyrddau iechyd Cymru wedi penderfynu y dylai cleifion sy'n cael eu hanfon i ysbytai yn Lloegr ddisgwyl yn hirach am driniaethau er mwyn arbed arian.

Mae BBC Cymru yn deall mai dim ond yn achos triniaethau cleifion sydd wedi disgwyl rhwng 32 a 36 wythnos y bydd Bwrdd Iechyd Powys yn talu'r ymddiriedolaethau yn Lloegr.

Ond mae Llywodraeth Cymru yn awyddus bod 95% o'r holl gleifion yn cael triniaeth o fewn 26 wythnos.

Gan nad oes ysbytai mawr ym Mhowys, mae nifer o gleifion y sir yn cael triniaethau yn Lloegr.

£2m

Mae'n debyg y gallai'r bwrdd iechyd arbed £2m drwy orfodi cleifion i ddisgwyl yn hirach i gael triniaethau dros y ffin.

Fel pob bwrdd iechyd yng Nghymru mae Bwrdd Iechyd Powys dan bwysau i arbed arian ac mae yna amcangyfrif y bydd diffyg o £9m erbyn diwedd y flwyddyn ariannol.

Mae Aelod Cynulliad Maldwyn, y Ceidwadwr Russell George, wedi dweud ei fod wedi siarad â rhai cleifion oedd yn eu dagrau o glywed y gallen nhw orfod disgwyl yn hirach am driniaeth.

Dywedodd ei fod wedi galw ar y Gweinidog Iechyd, Lesley Grifiths, i ymyrryd.

Mae'r bwrdd iechyd wedi dweud ei fod yn benderfynol o gyrraedd targedau rhestrau aros Llywodraeth Cymru.

Dim ond achosion sydd ddim yn rhai brys fydd yn gorfod disgwyl yn hirach am driniaeth, meddai, a fydd yna ddim risg ychwanegol i iechyd unrhyw glaf.

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.