Arthur Wood yw Arwr Tawel Cymru 2012

Unsung Hero Arthur Wood Dywedodd Arthur Wood mai'r clwb saethu oedd ei ail gartref

Straeon Perthnasol

Arthur Wood yw enillydd gwobr Arwr Tawel Chwaraeon BBC Cymru am 2012.

Mae Arthur wedi bod yn gwirfoddoli yng nghlwb saethu Abertawe ers dros 20 mlynedd, gan roi miloedd o oriau i gymorth i bawb sy'n mynd yno.

Bydd Arthur nawr yn mynd ymlaen i gynrychioli Cymru yn noson wobrwyo Personoliaeth Chwaraeon y BBC 2010 yn arena ExCel yn Llundain ar nos Sul, Rhagfyr 16.

Ers 2003, mae'r BBC wedi bod yn cydnabod gorchestion pobl sy'n gweithio y tu ôl i'r llenni er mwyn i bawb fedru cymryd rhan mewn chwaraeon, gyda'r enwebiadau yn dod o blith aelodau o'r cyhoedd.

Mae Arthur wedi defnyddio cadair olwyn ers iddo gael damwain ddiwydiannol yng ngwaith dur Llansawel yn 1969, pan gollodd ei goes a bysedd ei law dde.

Ac yntau'n 63 oed, mae'n barod i gyflawni unrhyw dasg sy'n ymwneud â rhedeg clwb saethu Abertawe.

Dywedodd: "Rwy'n cael llawer o bleser o'r lle yma, a dyma fy ail gartref - efallai fy nghartref cynta'!"

Mae'n agor y clwb dridiau bob wythnos, yn hyfforddi unigolion neu grwpiau, ac yn gweithredu fel swyddog dyletswydd ar y maes tanio.

Pencampwraig saethu Prydain yn y dosbarth 3X20, Sian Corish, yw un o'r rhai sydd wedi elwa o ymroddiad Arthur, a dywedodd:

"Mae e wedi bod yn anhygoel o safbwynt cefnogaeth, yn agor y clwb fel fy mod yn medru ymarfer yn syth ar ôl gwaith ac yn aros fel fy mod yn gallu dychwelyd yr offer yn hwyr yn y nos ac ar benwythnosau. Mae e'n wych!"

Yn y cyfamser, fe fydd rhestr fer yn enwebiadau ar gyfer Personoliaeth Chwaraeon BBC Cymru 2012 yn cael ei chyhoeddi fore Mercher, ac fe fydd manylion am sut i bleidleisio i'ch dewis chi yn cael eu cyhoeddi fore Llun, Rhagfyr 3.

Mwy Am y Stori Hon

Straeon Perthnasol

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.