Pum newid cyn wynebu Seland Newydd

Sam Warburton Sam Warburton yn dychwelyd i arwain Cymru yn erbyn Seland Newydd

Straeon Perthnasol

Mae pum newid yn nhîm rygbi Cymru cyn wynebu Seland Newydd ddydd Sadwrn.

Bydd y capten, Sam Warburton, yn dychwelyd i arwain y tîm o'r rheng ôl gyda Justin Tipuric yn eistedd ar y fainc.

Mae dau newid oherwydd anafiadau Dan Biggar ac Ian Evans - a Rhys Priestland a Luke Charteris fydd yn llenwi'r bylchau.

Yn y canol mae Jonathan Davies wedi gwella o'r anaf a'i cadwodd allan o'r ddwy gêm gyntaf yng nghyfres yr hydref, gydag Ashley Beck yn symud i'r fainc.

Hefyd mae bachwr y Scarlets, Matthew Rees yn dychwelyd i'r rheng flaen yn lle Richard Hibbard.

'Anrhydedd'

Prif hyfforddwr Cymru, Warren Gatland, fydd wrth y llyw eto yn erbyn Seland Newydd ac Awstrlia a dywedodd ei fod yn ymwybodol o'r dasg.

"Mae'n anrhydedd cael chwarae yn erbyn pencampwyr y byd yn Stadiwm y Mileniwm y penwythnos hwn.

"Mae atgofion o Gwpan y Byd a'r daith i Seland Newydd yr haf blaenorol yn dal yn fyw yn y cof i nifer o chwaraewyr a staff.

"Roedd y croeso a gawsom wedi sicrhau bod y profiad yn arbennig.

"Y Crysau Duon yw un o'r timau gorau i chwarae'r gêm erioed, fwy na thebyg y tîm gorau erioed o Seland Newydd. Felly fe fydd yn anrhydedd cael profi ein hunain yn eu herbyn.

"Does neb yn fwy siomedig na'r chwaraewyr a'r hyfforddwyr am yr hyn sydd wedi digwydd dros y pythefnos diwethaf.

"Ond mae'r cefnogwyr sydd wedi ein dilyn ni dros y 18 mis diwethaf yn gwybod ein bod yn dîm gwell na'r hyn y maen nhw wedi ei weld hyd yma, ac fe fyddwn ni'n ceisio profi hynny ddydd Sadwrn."

Tîm Cymru v. Seland Newydd: Stadiwm y Mileniwm, ddydd Sadwrn, Tachwedd 24

Olwyr

15. Leigh Halfpenny (Gleision)

14. Alex Cuthbert (Gleision); 13. Jonathan Davies (Scarlets); 12. Jamie Roberts (Gleision); 11. George North (Scarlets)

10. Rhys Priestland (Scarlets); 9. Mike Phillips (Bayonne)

Blaenwyr

1. Paul James (Caerfaddon); 2. Matthew Rees (Scarlets); 3. Aaron Jarvis (Gweilch)

4. Bradley Davies (Gleision); 5. Luke Charteris (Perpignan)

6. Ryan Jones (Gweilch); 8. Toby Faletau (Dreigiau); 7. Sam Warburton (Gleision, capten)

Eilyddion

Ken Owens (Scarlets), Gethin Jenkins (Toulon), Scott Andrews (Gleision), Aaron Shingler (Scarlets), Justin Tipuric (Gweilch), Tavis Knoyle (Scarlets), James Hook (Perpignan), Scott Williams (Scarlets).

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.