Trysorydd elusen ar Ynys Môn yn euog o ddwyn £10,000

Llys (cyffredinol) Yn Llys y Goron Caernarfon fe'i cafwyd yn euog o chwe chyhuddiad o dwyll

Cafwyd trysorydd elusen ar Ynys Môn yn euog o fynd â £10,000 drwy dwyll.

Honnwyd bod Malcolm Hulse, 53 oed o Walchmai, wedi defnyddio llyfr sieciau cangen Headway, elusen sy'n ymwneud ag anafiadau i'r ymennydd, i lenwi sieciau ei hun am bron tair blynedd.

Yn Llys y Goron Caernarfon fe'i cafwyd yn euog o chwe chyhuddiad o dwyll. Roedd yn ddieuog o ddwyn £414 o arian parod o siop elusen.

Cafodd Hulse fechnïaeth cyn cael ei ddedfrydu yn Llys y Goron Yr Wyddgrug ar Ragfyr 3.

Dywedodd y Barnwr Niclas Parry wrtho y gallai ddisgwyl cyfnod o dan glo.

Ond pe byddai'r arian yn cael ei dynnu'n ôl, meddai, byddai mwy o "opsiynau dedfrydu".

Dim derbynebau

Roedd yr erlynydd Sion ap Mihangel wedi dweud nad oedd derbynebau nac anfonebau wedi eu darganfod a bod Mr Hulse wedi dwyn arian ddylai fod wedi cael ei ddefnyddio ar gyfer yr elusen.

Roedd y drosedd, meddai, wedi dod i'r amlwg wedi i Gyfarwyddwr Cyllid Headway ddarganfod "anghysondebau posib" yng nghyfrifon sieciau cangen Môn.

Wedi'r dyfarniad dywedodd Luke Griggs, rheolwr cyfathrebu'r mudiad, y byddai gwirfoddolwyr y "ailadeiladu'r gangen."

"Mae pawb yn teimlo rhyddhad fod y mater drosodd - ond tristwch am fod hyn wedi digwydd."

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.