Leanne Wood am ymgeisio am etholaeth yn Etholiad Cynulliad

Leanne Wood Ar hyn o bryd hi yw AC Canol De Cymru

Straeon Perthnasol

Fe fydd Arweinydd Plaid Cymru yn ymgeisio mewn etholaeth yn yr Etholiad Cynulliad yn lle bod ar restr ranbarthol.

Yn narlith flynyddol Sefydliad Gwleidyddiaeth Cymru ym Mhrifysgol Aberystwyth mae Leanne Wood wedi dweud bod yr etholaeth yn fater i'w drafod.

Mae hefyd, meddai, yn ddibynnol ar "benderfyniadau aelodau llawr gwlad".

Ar hyn o bryd hi yw un o'r pedwar Aelod Cynulliad sy'n cynrychioli rhanbarth Canol De Cymru.

Bydd rhaid iddi drechu mwyafrif sylweddol Llafur cyn llwyddo mewn etholaeth yn 2016.

Yn Y Rhondda a Chwm Cynon roedd Plaid Cymru tua 6,500 o bleidleisiau y tu ôl i Lafur yn 2011.

Trawsnewid

Mae Caerffili wedi bod yn sedd darged hanesyddol i Blaid Cymru ond yn yr etholiad diwethaf cafodd Llafur dros 5,000 yn fwy o bleidleisiau.

Yn ôl rhai yn y blaid, mae penderfyniad yr arweinydd yn rhan o strategaeth sy'n anelu at sicrhau y bydd yn blaid mewn llywodraeth ymhen pedair blynedd.

Cyn yr etholiad ar Fai 5 2016 mae Ms Wood yn bwriadu cynnal trafodaethau rhwng y blaid a'r etholwyr mewn "maniffesto-wici" fydd yn cynnwys syniadau pobl am sut i drawsnewid y wlad.

Leanne Wood Mae Leanne Wood eisiau cynnal trafodaethau gyda phobl Cymru cyn yr etholiad yn 2016

Mae hi wedi dweud y bydd ei phlaid yn creu "cyfnod newydd o gyfranogi democrataidd" i wleidyddiaeth Cymru.

"Rwyf eisiau i ni gael ymdeimlad o gyffro ynghylch sut y gall ein Senedd ni ein hunain fod," meddai.

"Rwyf eisiau ysbrydoli pobl o bob carfan o gymdeithas i gynnig eu henwau i sefyll ac i wasanaethu.

"Dyna pam fy mod yn gwahodd pobl o bob cwr o Gymru i wneud cais i ymuno â'n rhestr ymgeiswyr ar gyfer etholiadau Ewrop, San Steffan a'r Cynulliad.

"Allwn ni ddim adnewyddu'n democratiaeth o'r canol ... y gwreiddiau sy'n bwysig.

"Ni fydd unrhyw weledigaeth, waeth pa mor fawreddog, am ddyfodol Cymru yn gweithio os yw Caerdydd, Llundain neu'r lleuad yn ei gwthio."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.