Gyrrwr beic modur wedi ei ladd ar ôl gwrthdrawiad ger Clydach

Mae Heddlu Gwent yn apelio am wybodaeth ar ôl damwain angeuol rhwng car a dau feic modur ger Clydach.

Fe ddigwyddodd y gwrthdrawiad tua 12.35pm ddydd Sadwrn ar yr A465, Ffordd Blaenau'r Cymoedd ar gyrion y pentre.

Roedd car Peugeot 106 yn teithio i gyfeiriad Brynmawr a'r beic modur Yamaha a beic modur Brutale yn teithio i gyfeiriad Y Fenni.

Dywedodd yr heddlu bod un o yrwyr y beiciau modur wedi ei ladd yn y fan a'r lle.

Mae'r llall a gyrrwr y car wedi diodde' anafiadau difrifol.

Cafodd teithiwr yn y car fan anafiadau.

Aed â gyrrwr y car i Ysbyty Athrofaol Cymru yng Nghaerdydd mewn ambiwlans awyr ac aeth y teithiwr a gyrrwr y beic modur i Ysbyty Nevill Hall yn Y Fenni.

Mae ffordd yr A465 rhwng cylchdro Gilwern a Brynmawr yn parhau ar gau.

Caiff traffig yn yr ardal ei ddargyfeirio.

Mae Heddlu Gwent yn apelio am unrhyw dystion i gysylltu gyda nhw ar 101.

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Maes yr Eisteddfod GenedlaetholBargeinion y brifwyl yn Sir Gâr

    Yr Eisteddfod Genedlaethol yn cynnig tocynnau am £10 ar gyfer y brifwyl eleni i bobl sydd yn eu prynu mewn da bryd.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.