April Jones: Goleuo cloc tref Machynlleth yn binc

Cloc Machynlleth Mae pinc wedi bod yn lliw amlwg wrth i bobl chwilio am April Jones

Straeon Perthnasol

Cafodd y cloc yng nghanol Machynlleth ei oleuo'n binc nos Lun dair wythnos union ar ôl i ferch 5 oed o'r dref ddiflannu.

Mae pinc wedi bod yn lliw amlwg wrth i bobl chwilio am April Jones ers iddi fynd ar goll ar Hydref 1.

Cafodd April ei gweld ddiwethaf yn mynd i mewn i gerbyd y noson honno.

Roedd hi'n chwarae tu allan i'w chartref ar stad Bryn-y-Gog tua 7pm.

Cannoedd o lusernau

Mae Mark Bridger, 46 oed, wedi'i gyhuddo o'i chipio a'i llofruddio ac o gael gwared â'i chorff gyda'r bwriad o wyrdroi cwrs cyfiawnder.

Cafodd y cloc, sy'n 78 troedfedd (24 metr) o uchder, ei oleuo am 12 awr o 7pm nos Lun.

Ar gais teulu April Jones cafodd cannoedd o lusernau eu cynnau a balŵns pinc eu gollwng i'r awyr nos Lun Hydref 8 yr union amser y diflanodd hi wythnos ynghynt.

Roedd cannoedd o bobl wedi ymgasglu yn y dref i ymuno yn y cofio.

Cafodd llusernau a chanhwyllau eu cynnau hefyd mewn trefi fel Aberystwyth a Thywyn.

Dywedodd Maer Machynlleth, Gareth Jones: "Cyngor y dref sy'n berchen y cloc a phenderfynon ni gytuno i gais i oleuo'r cloc gyda lliw pinc i nodi tair wythnos ers i April ddiflannu

"Bydd y cloc yn cael ei oleuo am 12 awr.

"Mae pobl yn ceisio dychwelyd i ryw fath o fywyd arferol ond mae'n rhaid inni fod yn obeithiol er nad ydym yn gwybod beth fydd y canlyniad yn y pen draw."

Yn y cyfamser mae Heddlu Dyfed Powys sy'n dal i chwilio am yn atgoffa pobl i gysylltu gyda nhw gydag unrhyw wybodaeth yn hytrach na defnyddio gwefannau cymdeithasol.

Os oes gan unrhyw un wybodaeth fe ddylen nhw gysylltu gyda'r heddlu ar 101.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • BBC Cymru FywGwasanaeth newydd BBC Cymru Fyw

    Mae BBC Cymru yn gwneud newidiadau i'r wefan hon wrth i wasanaeth ar-lein newydd o'r enw BBC Cymru Fyw gael ei lansio.


  • Hel achau ym MangorCyfle i hel achau ym Mhrifysgol Bangor

    Gall unrhyw un sy'n ymchwilio i hanes eu teulu gael mynediad at gronfa ddata helaeth o gofnodion yn Archifau Prifysgol Bangor.


  • Minci AmericanaiddPwy sydd wedi gweld minc?

    Cadwriaethwyr yn galw am gymorth y cyhoedd wrth geisio lleihau nifer y mincod Americanaidd er mwyn gwarchod anifail prin.


  • Portread o William ShakespeareShakespeare: 'Gwedd wahanol' i Gymru?

    A ddylid addasu Shakespeare i'r Gymraeg? Mae arbenigwyr yn rhannu eu barn wrth i'r dathliadau swyddogol ddechrau i nodi 450 o flynyddoedd ers geni'r bardd.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.