Newid llefarwyr Plaid Cymru

Leanne Wood Dywedodd Leanne Wood fod ganddi "dîm talentog"

Straeon Perthnasol

Yn dilyn penderfyniad Bethan Jenkins AC i sefyll o'r neilltu o fainc flaen Plaid Cymru mae arweinydd y Blaid, Leanne Wood, wedi cyhoeddi newidiadau.

Mae Ms Jenkins, AC Gorllewin De Cymru, wedi cael ei gwahardd rhag bod yn aelod o grŵp y Blaid yn y Cynulliad Cenedlaethol wedi iddi gael ei harestio gan yr heddlu ar amheuaeth o yrru dan ddylanwad alcohol.

Ms Jenkins oedd llefarydd Plaid Cymru ar Dreftadaeth, yr Iaith Gymraeg a Chwaraeon.

Does dim enwau newydd ymhlith y llefarwyr, ond mae cyfrifoldebau'r llefarwyr wedi newid rhywfaint er mwyn ysgwyddo'r baich a adawyd gan ymadawiad Ms Jenkins.

Dyma restr gyflawn o Gabinet y Blaid sy'n cysgodi Llywodraeth Cymru:-

Cabinet Plaid Cymru

Leanne Wood

Arweinydd

Jocelyn Davies

Rheolwr Busnes, Prif Chwip, Plant a Chydraddoldeb

Rhodri Glyn Thomas

Ewrop, Llywodraeth Leol, Cymunedau, Tai a Thrafnidiaeth; Comisiynydd

Ieuan Wyn Jones

Cyllid a'r Cyfansoddiad

Elin Jones

Iechyd

Simon Thomas

Addysg, Addysg Uwch, Sgiliau a'r Iaith Gymraeg

Alun Ffred Jones

Economi, Ynni, Adfywio a Darlledu

Dafydd Elis-Thomas

Materion Gwledig, Pysgodfeydd a Bwyd

Linsday Whittle

Gwasanaethau Cymdeithasol, Treftadaeth a Chwaraeon

Llŷr Gruffydd

Amgylchedd

Economi a swyddi

Wrth wneud y cyhoeddiad, dywedodd Leanne Wood mae pwrpas yr ad-drefnu yw defnyddio "grŵp hynod dalentog a dawnus o Aelodau Cynulliad ym Mae Caerdydd".

Y flaenoriaeth i Blaid Cymru, meddai, yw gwella'r economi a chreu swyddi i bobl yng Nghymru a "byddwn yn parhau i wneud popeth yn ein gallu i wella bywydau pobl Cymru".

Ychwanegodd Leanne Wood:

"Mae gan Blaid Cymru grŵp hynod dalentog a dawnus o Aelodau Cynulliad ym Mae Caerdydd sydd wedi ymrwymo i wasanaethu'r cymunedau y maent yn cynrychioli.

"Gwella'r economi a chreu swyddi i bobl yng Nghymru yw canolbwynt ein gwaith, a byddwn yn parhau i wneud popeth yn ein gallu i wella bywydau pobl Cymru."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.