Pêl-droedwyr yn cefnogi April

April Jones Y tro diwethaf i April Jones gael ei gweld oedd am 7pm ar Hydref 1

Related Stories

Bydd pêl-droedwyr Cymru yn gwisgo rhubanau pinc cyn eu gêm yn erbyn Yr Alban yng Nghaerdydd nos Wener fel arwydd o gefnogaeth i April Jones.

Bydd y rhubanau ar dracwisg y chwaraewyr cyn y gêm ac yn ystod yr anthemau yn Stadiwm Dinas Caerdydd.

Mae April o Fachynlleth wedi bod ar goll ers Hydref 1 ac mae'r teulu wedi gofyn i bobl wisgo pinc, ei hoff liw.

Yn y cyfamser, mae cronfa a sefydlwyd yn ei henw eisoes wedi codi bron £20,000 gyda rhoddion yn cyrraedd o bedwar ban byd.

Mae Mark Bridger, 46 oed, wedi ymddangos gerbron Llys y Goron Caernarfon ar gyhuddiad o gipio a llofruddio'r ferch bump oed.

Ddydd Iau roedd rhieni April yn cwrdd ag aelodau'r timau chwilio.

Yn ddiolchgar

Aeth Coral a Paul Jones i ganolfan y chwilio ym Machynlleth a dywedodd y ddau eu bod yn ddiolchgar iawn am waith y timau.

Er bod nifer o dimau chwilio'r heddlu yn chwilio, dywedodd tîm cŵn chwilio arbenigol SARDA eu bod nhw wedi gadael y safle.

Dywedodd y mudiad eu bod wedi dychwelyd i'w swyddi bob dydd ond eu bod yn diolch i bobl Machynlleth am y cymorth a'r gefnogaeth a gafwyd yn ystod eu cyfnod yn y dref.

"Bob tro yr oedden ni'n dychwelyd i'r ganolfan hamdden roedd bwyd a diod poeth yn aros amdanon ni gyda llif cyson o wirfoddolwyr o gwmpas y lle.

"Rydym yn gobeithio fel gwirfoddolwyr ein hunain y bydd diweddglo positif."

More on This Story

Related Stories

The BBC is not responsible for the content of external Internet sites

Gwleidyddiaeth

Pigion

  • Maes yr Eisteddfod GenedlaetholBargeinion y brifwyl yn Sir Gâr

    Yr Eisteddfod Genedlaethol yn cynnig tocynnau am £10 ar gyfer y brifwyl eleni i bobl sydd yn eu prynu mewn da bryd.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.