Wythnos o ddathlu diwylliant yn Yr Wyddgrug

Poster Gŵyl Daniel Owen 2012 Dyma'r drydedd flwyddyn i'r ŵyl gael ei chynnal yn Yr Wyddgrug

Straeon Perthnasol

Bydd tref yr Wyddgrug yn fwrlwm o weithgaredd diwylliannol yn ystod yr wythnos wrth i Ŵyl Daniel Owen gael ei chynnal.

Dyma'r drydedd flwyddyn i'r dref gynnal y digwyddiad sy'n cael ei ystyried yn "uchafbwynt yng nghalendr gwyliau'r Wyddgrug".

Dechreuodd yr ŵyl ddydd Sadwrn a bydd yn para tan ddydd Sadwrn, Hydref 20.

Bydd cyfres o ddigwyddiadau barddonol a llenyddol yn ogystal â cherddoriaeth, sgyrsiau, gweithdai a gweithgareddau awyr agored.

'Ysbrydoli a synnu'

Dywedodd y trefnwyr: "Yn ogystal â llenyddiaeth a'r celfyddydau mae'r gymuned a threftadaeth yn elfennau blaenllaw."

"Drwy sicrhau rhai o hoelion wyth y byd llenyddol Cymreig ochr yn ochr ag awduron arloesol a'r rheiny sy'n dechrau dod i'r amlwg yn y Saesneg a'r Gymraeg, sylwebyddion ac arbenigwyr, bydd Gŵyl 2012 yn herio, ysbrydoli a synnu cynulleidfaoedd Yr Wyddgrug, gan eu sbarduno i feddwl a dadlau."

Yr awdures, Dr Angharad Price, sy'n cyflwyno Darlith Daniel Owen flynyddol eleni - a hynny am 7:30pm nos Fawrth, Hydref 16, yng Nghapel Bethesda.

Y testun fydd 'Gwen Tomos a'r anifeiliaid - y defnydd o symboliaeth yn y nofel'.

Cafodd Daniel Owen ei eni i deulu cyffredin yn Yr Wyddgrug yn 1863 a daeth yn nofelydd Cymraeg mwya' blaenllaw'r 19eg ganrif.

Mae'r ŵyl wedi derbyn cefnogaeth ariannol gan gynllun arloesol Cadwyn Clwyd i Sir y Fflint, sydd wedi'i ariannu drwy Gynllun Datblygu Gwledig Cymru 2007-2013 gan Lywodraeth Cymru a Chronfa Amaethyddol Ewrop ar gyfer Datblygu Gwledig.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.