Croesawu dirwy am daflu gwm cnoi

Chewing gum Dywedodd y cyngor ei bod hi'n costio tua £30,000 y flwyddyn i dynnu gwm cnoi o'r strydoedd

Straeon Perthnasol

Mae grŵp Cadwch Gymru'n Daclus yn dweud eu bod yn gobeithio y bydd dirwy i fenyw am daflu gwm cnoi ar lawr yn atal eraill rhag gwneud yr un peth.

Cafodd y fenyw y ddirwy o £75 gan swyddogion o Gyngor Sir Gaerfyrddin y tu allan i fwyty McDonalds yn Cross Hands.

Dywedodd y cyngor mai dyma'r tro cyntaf iddyn nhw gyflwyno dirwy am sbwriel gwm cnoi.

'Mesurau eraill'

Start Quote

Rwy'n gobeithio y bydd pobl yn talu sylw i'r ddirwy yma ac yn rhoi sbwriel mewn biniau, boed hynny'n gwm cnoi neu fath arall o sbwriel”

End Quote Cynghorydd Jim Jones Cyngor Sir Gâr

Mae hyn yn "broblem anferth" yn ôl Cadwch Gymru'n Daclus, gan groesawu unrhyw beth fyddai'n rhwystro mwy o droseddau.

"Fel arfer byddai Cadwch Gymru'n Daclus yn argymell cymysgedd o godi ymwybyddiaeth ac addysg, ond weithiau dyw hynny ddim yn ddigon ac mae angen mesurau eraill," meddai llefarydd.

"Os mai cosb yw hynny, yna rydym yn croesawu unrhyw beth sy'n atal pobl eraill rhag taflu sbwriel neu gwm cnoi ar lawr oherwydd mae'n ddrwg i'r amgylchedd."

Fe welwyd y fenyw gan y swyddogion yn taflu'r gwm ar lawr cyn iddi ysmygu sigarét cyn taflu hwnnw ar lawr hefyd.

"Dyma'r tro cyntaf i ni gyflwyno dirwy yn benodol am daflu gwm cnoi ar lawr," meddai'r Cynghorydd Jim Jones, aelod o gabinet y cyngor gyda chyfrifoldeb am yr amgylchedd a gwarchod y cyhoedd.

"Mae ein swyddogion yn teithio o amgylch y sir, ond fe all fod yn anodd dal pobl yn troseddu."

'Glanach'

Ychwanegodd Mr Jones nad oedd gan y cyngor ddewis ond dirwyo pobl os nad oedden nhw'n rhoi sbwriel mewn bin.

Dywedodd: "Rwy'n gobeithio y bydd pobl yn talu sylw i'r ddirwy yma ac yn rhoi sbwriel mewn biniau, boed hynny'n gwm cnoi neu fath arall o sbwriel.

"Mae'r cyngor yn benderfynol o greu amgylchedd glanach a mwy diogel i drigolion ac ymwelwyr yn Sir Gaerfyrddin."

Yn ôl y cyngor mae'n costio oddeutu £30,000 y flwyddyn i dynnu gwm cnoi o'r strydoedd.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.