Cyfarwyddwr castell Aberteifi yn ymddiswyddo

Castell Aberteifi

Straeon Perthnasol

Mae cyfarwyddwr cynllun i adfer Castell Aberteifi wedi gadael ei swydd.

Ymunodd Steffan Crosby â'r cynllun gwerth £11 miliwn i adfer y castell ac adeiladau cysylltiedig ar y safle dwy erw ym mis Mehefin eleni.

Swyddog cyllid y cynllun, Cris Tomos, fydd y cyfarwyddwr dros dro tan i gyfarwyddwr newydd gael ei benodi.

Mae'r cynllun yn cael ei reoli gan Ymddiriedolaeth Cadwraeth Adeiladau Cadwgan mewn partneriaeth â Chyngor Ceredigion.

Cynadleddau

Yn ôl Mr Tomos penderfynodd Mr Crosby adael ei swydd yn dilyn adolygiad o'r cynllun.

"Cawsom ein penodi ar gyfnod prawf am chwe mis ac fe fu adolygiad o'r cynllun ar ôl tri mis," meddai.

"Roedd Mr Crosby yn teimlo bod ei arbenigedd yn ymwneud â rhedeg safleoedd ymwelwyr a threftadaeth.

"Ar hyn o bryd mae'r gwaith yn ymwneud â'r broses gontractio felly penderfynodd adael y prosiect."

Bwriad y cynllun yw adnewyddu'r adeilad i gyflwyno gweithgareddau megis atyniad treftadaeth i ymwelwyr, arddangosfeydd, siopau, bwyty, digwyddiadau preifat a gweithgareddau addysgol.

Yn ôl Mr Tomos y gobaith yw y bydd yr atyniad ar agor erbyn y Pasg 2014.

Hanes

Caiff llawr uchaf y prif gastell, y Tŷ Gwyrdd, ei ddefnyddio ar gyfer nifer o ddosbarthiadau i oedolion, cyfarfodydd a chynadleddau.

Dywedodd arweinydd Cyngor Ceredigion, Ellen ap Gwynn: "Mae'r cyngor yn croesawu'r cynnydd yn y cynllun hyd yn hyn ac fe fyddwn yn cefnogi holl waith yr ymddiriedolaeth gan gynnwys eu hymdrechion i recriwtio cyfarwyddwr newydd."

Codwyd y castell yn 1100 gan Gilbert de Clare, Iarll cyntaf Penfro.

Yn 1166 cymerwyd y castell gan Rhys ap Gruffydd, ac ail-adeiladodd e'r castell mewn carreg yn 1171.

Yn 1176 cynhaliwyd yr eisteddfod gyntaf y gwyddys amdani yn y castell, sef Eisteddfod Aberteifi.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.