Abertawe yn ennill yn erbyn Crawley yng Nghwpan y Gynghrair

Miguel Michu yn dathlu ar ôl sgorio i Abertawe Miguel Michu yn dathlu ar ôl sgorio i Abertawe

Crawley 2-3 Abertawe

Gôl Garry Monk yn yr amser ychwanegol wnaeth sicrhau buddugoliaeth i Abertawe yn erbyn Crawley yn nhrydedd rownd Cwpan Capital One nos Fawrth.

Roedd Yr Elyrch wedi mynd ar y blaen wrth i Miguel Michu sgorio cyn i Crawley daro'n ôl gyda Josh Simpson yn sicrhau bod y timau yn gyfartal ar yr egwyl.

Wrth i'r tîm cartref fynd ar y blaen gydag ergyd Hope Akpan roedd 'na bryder y byddai'r tîm cartref yn sicrhau sioc wrth i dîm o'r Adran Gyntaf guro tîm o'r Uwchgynghrair.

Ond fe lwyddodd Danny Graham i ddod â'r ymwelwyr yn gyfartal wedi 74 munud.

Ond bu'n rhaid aros tan y funud olaf i dîm Michael Laudrup sicrhau buddugoliaeth yn Stadiwm Broadfield.

Dyma oedd ymddangosiad cyntaf capten Abertawe, Monk, y tymor yma wedi trafferthion gyda'i gefn.

Mae'r fuddugoliaeth yn golygu bod Yr Elyrch wedi llwyddo i fynd ymhellach na'r tymor diwethaf yn y gystadleuaeth pan gawson nhw eu curo yn erbyn Yr Amwythig o'r Ail Adran.

Wedi colli yn erbyn Everton yn y gynghrair ddydd Sadwrn roedd ennill yn bwysig i'r Elyrch.

Ond colli oedd hanes Everton yng Nghwpan Capital One nos Fawrth o 2-1 yn erbyn Leeds United o'r Bencampwriaeth.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.