Medal aur i Aled Siôn Davies

Aled Sion Davies Dyma Gemau Paralympaidd cyntaf Aled Siôn Davies

Straeon Perthnasol

Mae Aled Siôn Davies wedi ennill medal aur yn rownd derfynol taflu'r ddisgen yn Llundain ddydd Sul, yn ei Gemau Paralympaidd cyntaf.

O flaen teulu, ffrindiau ac 80,000 o wylwyr yn y stadiwm Olympaidd, fe enillodd e fedal aur a thaflu record Ewropeaidd ar yr un pryd.

Roedd tafliad y dyn 21 oed o Ben-y-bont ar Ogwr yn 46.14 metr, gan guro'r cystadleuydd agosaf o dros fetr.

Ef a enillodd fedal gyntaf Prydain yn y cystadlaethau athletau, a hynny ddydd Gwener wrth ennill y fedal efydd yn y gystadleuaeth taflu pwysau F42/44.

'Cyflawni cymaint'

Mae'r Athro Laura McAllister, Cadeirydd Chwaraeon Cymru, wedi llongyfarch Davies.

"Rydym yn gweld Aled yn rhoi oriau o waith bob wythnos yn y Ganolfan Genedlaethol.

"Mae'n un o'n sêr ifanc ni o ran athletau Prydain ac wedi cyflawni cymaint mewn amser byr iawn.

"Yn bersonol, mae'n wych imi weld rhywun o fy nhref enedigol yn cael cymaint o lwyddiant."

Ond roedd dydd Sul yn ddiwrnod siomedig i'r athletwraig Tracey Hinton, a fethodd â sicrhau lle yn rownd derfynol y ras T11 200m gan iddi ddod yn drydedd yn y rhagras.

Mwy Am y Stori Hon

Straeon Perthnasol

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.