Llyfrgell Genedlaethol Cymru i ddangos portread o Shane Williams

portread o Shane Williams Shane Williams cyn ei gêm ryngwladol olaf yn erbyn Awstralia ym mis Rhagfyr

Straeon Perthnasol

Bydd portread o'r seren rygbi Shane Williams yn ymuno â chasgliad celf Llyfrgell Genedlaethol Cymru.

Paentiwyd ei bortread gan yr artist David Griffiths, sydd wedi portreadu rhai o wynebau mwyaf amlwg Prydain mewn gyrfa o 40 mlynedd.

Mae o hefyd wedi gwneud portreadau o dri cyn-Lywydd y Llyfrgell Genedlaethol.

Mae Williams, 35 oed, wedi mwynhau gyrfa hir a llwyddiannus fel asgellwr i dîm Cymru a'r Gweilch ac ef yw prif sgoriwr ceisiadau Cymru.

Ymddeolodd o rygbi rhyngwladol yn gynharach yn y flwyddyn.

Chwe mis

Peintiwyd y portread mewn olew ar gynfas 40 x 30 modfedd dros gyfnod o chwe mis.

Mae'n dangos yr asgellwr yn gwisgo ei git rygbi ar gyfer ei gêm ryngwladol olaf yn erbyn Awstralia ym mis Rhagfyr 2011.

Magwyd yr artist ym Mhwllheli ac fe'i hyfforddwyd yn ysgol gelf Slade yn Llundain.

Daeth i'r amlwg am ei bortread o Dywysog Cymru yn derbyn rhyddid dinas Caerdydd ym mlwyddyn ei arwisgiad yn 1969.

Ers hynny mae wedi darlunio gwleidyddion, clerigwyr a mabolgampwyr amlwg gan gynnwys Enoch Powell, Archesgob Cymru Barry Morgan a'r chwaraewr rygbi, Barry John.

Dadorchuddiwyd dau bortread pwysig arall o'i waith yn ddiweddar; portreadau o gyn Brif Weinidog Cymru, Rhodri Morgan.

Mae un wedi ei gadw yn adeilad y Pierhead ger Y Senedd ym Mae Caerdydd a'r llall yn y Llyfrgell Genedlaethol.

'Eiconic'

"Mae gen i ddiddordeb mawr mewn rhagoriaeth ac mae Shane, fel nifer o'r wynebau eraill rwyf wedi eu peintio wedi rhagori yn ei faes - mae'n bersonoliaeth chwaraeon eiconic," meddai'r artist, sy'n byw yn ardal Y Rhâth, Caerdydd

Yn ôl Paul Joyner, Pennaeth Derbyn Archifau a Chelf Llyfrgell Genedlaethol Cymru: "Mae gan y portread yma bresenoldeb.

"Mae'n gwneud i chi deimlo fel bod Shane newydd gerdded i mewn i'r ystafell a'i fod yn barod i chwarae gêm arall i Gymru."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.