Cyhuddo chwaraewr rygbi o ymosod

Andrew Bishop Chwaraeodd Andrew Bishop i Gymru am y tro cyntaf yn erbyn De Affrica yn 2008

Mae canolwr rygbi Cymru a'r Gweilch, Andrew Bishop, wedi cael ei gyhuddo o ymosod a bydd yn ymddangos gerbron llys fis nesaf.

Cafodd heddlu eu galw i ddigwyddiad yng nghanol Caerdydd yn oriau man fore Llun.

Bydd Mr Bishop, 27 oed ac wedi ennill 16 o gapiau dros Gymru, yn ymddangos gerbron ynadon Caerdydd ar Fedi 27.

Dywedodd clwb y Gweilch na fyddai'n briodol gwneud sylw ar y mater cyn yr achos llys.

Nid yw Heddlu De Cymru wedi enwi'r dyn, ond maen nhw wedi cyhoeddi datganiad sy'n dweud:

"Fe gafodd dyn 27 oed ei arestio mewn cysylltiad ag ymosodiad yn oriau man Awst 20 yn Mill Lane, Caerdydd.

"Cafodd ei gyhuddo o ymosod a'i rhyddhau ar fechnïaeth amodol. Bydd yn ymddangos yn y llys ar Fedi 27."

Ymunodd Bishop gyda'r Gweilch yn 2005, ac roedd yn ffigwr amlwg yn nhymor 2006/07 drwy ymddangos 30 o weithiau i'r rhanbarth.

Chwaraeodd i Gymru am y tro cyntaf yn erbyn De Affrica yn 2008, ac enillodd y diweddaraf o'i gapiau yn erbyn y Barbariaid ym mis Mehefin eleni er na fu'n rhan o'r daith i Awstralia a ddilynodd hynny.

Mwy Am y Stori Hon

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.