Brady: Mam Keith Bennett wedi marw

Winnie Johnson Brwydrodd Winnie Johnson am flynyddoedd i ganfod man claddu ei mab

Straeon Perthnasol

Mae mam un o'r plant a laddwyd gan lofruddwyr y Moors, Keith Bennett, wedi marw.

Cafodd Winnie Johnson, 78, frwydr hir i gael llofrudd ei mab, Ian Brady, i ddatgelu lle yr oedd wedi ei gladdu.

Cafodd Keith ei herwgipio pan yn 12 oed ar ei ffordd i ymweld â'i nain ym Manceinion ar Fehefin 16, 1964.

Dywedodd cyfreithiwr Mrs Johnson, John Ainley, ei bod wedi marw nos Wener gyda'i theulu o'i chwmpas.

Bu'n byw mewn hosbis ers blynyddoedd oherwydd brwydr hir yn erbyn canser.

Daw'r newyddion am ei marwolaeth wrth i heddlu ystyried honiadau bod Brady wedi datgelu gwybodaeth am fan claddu Keith.

Maen nhw ystyried y posibilrwydd bod Brady wedi rhoi manylion i'w eiriolwr iechyd meddwl Jackie Powell o Sir Gaerfyrddin.

'Creulon ac eironig'

Mae'r BBC ar ddeall na chafodd Mrs Johnson wybod am y datblygiadau diweddaraf.

Cafodd Brady a'i gariad Myra Hindley eu carcharu am lofruddio pum plentyn rhwng 1963 ac 1965.

Disgrifiodd cyn gyfreithiwr Mrs Johnson, David Kirwan, ei marwolaeth fel "tro creulon ac eironig".

Ychwanegodd: "Gwnaeth hi byth roi'r ffidil yn y ty...hi oedd mam Keith."

Dywedodd hefyd ei fod yn falch y byddai teulu Mrs Johnson yn parhau yn yr ymdrech i ganfod Keith.

Mwy Am y Stori Hon

Straeon Perthnasol

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.