Dai Greene yn gorffen yn bedwerydd

Straeon Perthnasol

Daeth y Cymro Dai Greene yn bedwerydd yn y ras 400 m dros y clwydi yn y Gemau Olympaidd yn Llundain.

Gorffennodd Greene, oedd yn rhedeg yn y drydedd lôn mewn 48:24.

Enillwyd y ras gan Felix Sanchez (47.63) o Dominica, cyn bencampwr Olympaidd, yn ei amser gorau y tymor hwn.

Yr Americanwr Michael Tinsley oedd yn ail ( 47:91) gyda Javier Culson (48:10) yn drydydd.

Cafodd Greene ddechrau araf i'r ras ond gorffenodd yn gryf.

Hwn oedd ei ymddangosiad cyntaf yn y Gemau Olympaidd ac ar ôl y ras dywedodd ei fod yn teimlo yn flinedig.

"Rwyn siomedig rwy'n teimlo yn flinedig, ond roedd yna well strwythur i'm ras heno nad ras gynderfynol nos Sadwrn."

Oherwydd anaf i'w benglin yn gynharach y flwyddyn fe amharwyd ar ei baratoadau ar gyfer y gemau.

Dai Greene

Bu'r rhedwr 26 oed o Lanelli yn ffodus i fod yn y rownd derfynol ar ôl gorffen yn y pedwerydd safle yn y rownd gynderfynol.

Dim ond y ddau gyntaf yn y ras gynderfynol oedd yn sicr o le yn y ffeinal.

Ond roedd amser Green, pencampwr y byd 400 m dros y clwydi, o 48.19 eiliad yn golygu ei fod yn y ras derfynol fel un o'r collwyr cyflymaf.

Dim ond Felix Sanchez (47.76), Dominica, a Javier Culson (47.78), Puerto Rico, oedd wedi rhedeg yn gynt na Greene (47.84) y tymor hwn.

Cyn y ras dywedodd ei dad Steve, fod ei fab yn hynod siomedig ar ôl nos Sadwrn, ond ei fod "yn gobeithio gwneud yn iawn am hynny heno."

Ychwanegodd ei gariad Sian Davies, fod Dai yn hynod siomedig nos Sadwrn ond ei fod yn llawn hyder yn mynd i'r ras heno.

Mwy Am y Stori Hon

Straeon Perthnasol

Gwleidyddiaeth

Pigion

  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.