Teyrnged i frawd cariadus wrth i'r heddlu apelio am wybodaeth

David Gary Edwards Cafwyd hyd i gorff David Gary Edwards mewn tŷ yn Villa Terrace, Treboeth

Straeon Perthnasol

Mae'r heddlu yn Abertawe sy'n ymchwilio i farwolaeth dyn yn y ddinas wedi cyhoeddi ei enw.

Cafodd yr heddlu eu galw i dŷ yn Villa Terrace yn ardal Treboeth tua 6.50pm ddydd Mercher.

Cafwyd hyd i gorff David Gary Edwards, 48 oed, yno.

Dydd Iau cafodd yr heddlu fwy o amser i holi dyn 33 oed mewn cysylltiad â'r achos.

Fe wnaeth y dyn o Bort Talbot ymddangos o flaen ynadon yn y ddinas er mwyn i'r heddlu gael mwy o amser i'w holi.

Mae'r heddlu wedi cael 36 awr ychwanegol i'w holi.

Fe wnaeth chwaer Mr Edwards, Elaine Goldup, dalu teyrnged iddo ar ran y teulu gan ddweud ei fod "yn ddyn hoffus".

Post mortem

"Roedd yn ddyn cymwynasgar, yn ofalus ac yn frawd cariadus.

"Roedd yn cael ei barchu gan ei nithoedd a neiaint.

"Bydd yn cael ei golli."

Mae ei farwolaeth yn cael ei drin fel achos o lofruddiaeth.

Mae'r heddlu yn aros am ganlyniadau post mortem i ganfod achos ei farwolaeth.

Yn y cyfamser mae'r heddlu yn apelio am wybodaeth ac y dylai unrhyw un gysylltu â'r heddlu ar 01792 562732 neu ffonio Taclo'r Tacle yn ddienw ar 0800 555 111.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.