Cyhoeddi canlyniadau cyntaf Cyfrifiad 2011

Cyfrifiad 2011 Bydd y canlyniadau yn nodi nifer y bobl sy'n byw yng Nghymru

Straeon Perthnasol

Bydd y Swyddfa Ystadegau Gwladol yn cyhoeddi prif ffigyrau poblogaeth Cymru o Gyfrifiad 2011.

Bydd y canlyniadau ddydd Llun yn cynnwys y prif ffigwr 'pennawd' ar gyfer y boblogaeth ynghyd â dadansoddiad, fesul awdurdod lleol, yn ôl oedran a rhyw.

Dywed y Swyddfa na fydd ystadegau ar gyfer nifer y siaradwyr Cymraeg yng Nghymru nac atebion i gwestiwn y Cyfrifiad am hunaniaeth genedlaethol yn rhan o'r canlyniadau cyntaf yma.

Bydd y ffigyrau hynny'n cael eu cyhoeddi'n ddiweddarach eleni.

Cyfrifiad 2011 - gafodd ei gynnal ddydd Sul, Mawrth 27, 2011 - oedd y tro cyntaf i bobl fedru cofnodi eu bod yn Gymry, hyd yn oed os oedden nhw'n byw mewn rhannau eraill o Brydain.

Yn 2000 fe wnaeth Aelodau'r Cynulliad bleidleisio'n unfrydol dros gynnwys y blwch "Cymry" ar y ffurflen yn 2001 ond roedd hi'n rhy hwyr i'w newid.

Dywedodd y Swyddfa Ystadegau Gwladol mai'r ffaith nad oedd y blwch wedi cael ei gynnwys ar y ffurflen yn 2001 arweiniodd at y nifer mwyaf o gwynion.

Caiff yr arolwg ei gynnal ar ran y llywodraeth bob 10 mlynedd.

Dangosodd canlyniadau Cyfrifiad 2001 fod 2,903,000 o bobl yn byw yng Nghymru, cynnydd o 1% (sef 30,000) o bobl o'i gymharu â 1991.

Roed 14% o bobl wedi datgan eu bod yn Gymry er nad oedd blwch ticio penodol ar y ffurflen.

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.