Tata: Oedi cyn codi ffwrnais newydd?

Port Talbot  Bydd y gwaith o adeiladu'r ffwrnais yn dechrau yng Ngorffennaf

Straeon Perthnasol

Dywed cwmni dur Tata Steel fod yna bosibilrwydd y bydd yn rhaid oedi cyn ailddechrau cynhyrchu dur mewn ffwrnais newydd sy'n cael ei adeiladu ym Mhort Talbot.

Ond pwysleisiodd Tata y bydd y prosiect gwerth £185 miliwn i ailadeiladu ffwrnais rhif pedwar yn mynd ei flaen mis nesaf.

Dywed y cwmni y byddan nhw'n bwrw mlaen â chynlluniau i wario £53 miliwn i foderneiddio'r safle cynhyrchu.

Dywed Jon Ferriman, un o reolwyr Port Talbot, fod Tata wedi ymrwymo i gynhyrchu dur yng Nghymru.

"Mae'n bosib na fyddwn yn ailgynnau ffwrnais Rhif 4 yn syrth ar ôl i'r gwaith adeiladu gael ei gwblhau."

Buddsoddi

Yn ôl prif swyddog masnachol y cwmni, Henrik Adam, fe fydd unrhyw benderfyniad terfynol yn gorfod ystyried cyflwr y farchnad dur yn Ewrop.

"Fe fyddwn yn penderfynu oedi pe bai hi'n amlwg na fyddai hynny yn effeithio ar y lefel o wasanaeth mae ein cwsmeriaid yn ei ddisgwyl," meddai.

Mae Tata yn cyflogi tua 7,500 o bobl yng Nghymru ac ym mis Ebrill cyhoeddwyd y byddan nhw'n buddsoddi £240 miliwn mewn gwahanol brosiectau.

Dywedodd llefarydd busnes y Ceidwadwyr yn y Cynulliad Nick Ramsay, ei fod yn credu y dylai Llywodraeth Cymru gynnal cyfarfod gyda Tata mor fuan â phosib.

"Mae'r posibilrwydd y bydd yna oedi - er gwaetha'r buddsoddi mawr - yn amlwg yn achosi peth pryder."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.