Ffens drydan i warchod adar prin yn Sir Ddinbych

Môr-wennol bychan Mae'r adar yn nythu yng Ngronant ger Prestatyn

Straeon Perthnasol

Mae Cyngor Sir Ddinbych wedi codi ffens drydan milltir a hanner o hyd er mwyn amddiffyn haid o fôr-wenoliaid bychain.

Mae'r adar prin yn ymgartrefu ar arfordir Cymru am dair mis yn ystod y flwyddyn.

Pob mis Mai mae'r adar yn hedfan i Ronant, ger Prestatyn, o'u cartref yng ngorllewin Affrica.

Dyma'r unig haid o fôr-wenoliaid bychain yng Nghymru ac maent yn bridio ar lan y môr cyn mudo'n ôl i'w cartref ym mis Medi.

Cododd Cyngor Sir Ddinbych, gyda chymorth gwirfoddolwyr, y ffens drydan er mwyn ceisio cynyddu nifer yr adar.

Mae'r ffens yn cael ei drydanu gyda'r nos er mwyn amddiffyn yr adar rhag llwynogod.

Mae wardeniaid hefyd yn patrolio'r ardal bob diwrnod er mwyn amddiffyn yr adar a'u cywion rhag ysglyfaethwyr fel llwynogod a chudyllod coch.

'Ofnadwy o bwysig'

Dywedodd Garry Davies, Swyddog Cefnwlad, bod y gwaith yn "hynod bwysig".

"Dyma'r haid olaf yng Nghymru felly mae'n ofnadwy o bwysig ac mae'n rhaid gwneud ymdrech," meddai Mr Davies.

"Maen nhw'n dweud dylech chi ddim ymyrryd â natur ond dydyn ni ddim yn ymyrryd, rydym yn estyn help llaw i'r adar.

"Hoffen ni ddatblygu'r haid fel bod nifer yr adar yn dod yn ormod i'r ardal yma a bod rai ohonyn nhw yn gorfod nythu mewn ardal arall.

"Ar hyn o bryd mae gennym ein wyau i gyd yn yr un fasged."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Bryn TerfelCyngerdd i ddathlu pen-blwydd

    Bryn Terfel yn cyhoeddi manylion am gyngerdd i ddathlu ei ben-blwydd yn 50.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.