Cais i ddatblygu parc paneli solar enfawr yn Sir Benfro

Parc Solar Rhosygilwen yn Sir Benfro Y llynedd fe wnaeth parc solar cyntaf Cymru ddechrau cynhyrchu trydan ar stad Rhosygilwen yn Sir Benfro

Straeon Perthnasol

Mae cwmni o'r Almaen wedi gwneud cais i ddatblygu parc paneli solar gwerth tua £20m yn Sir Benfro.

Petai cais Kronos Solar yn cael ei dderbyn, y parc yn Cosheston fydd un o'r rhai mwyaf o'i fath ym Mhrydain.

Fe fydd y safle 25 hectar yn cynhyrchu 13 megawat o drydan.

Dywedodd un o gyfarwyddwyr Kronos, Dr Alexander Arcache, wrth y BBC bod y safle yn West Farm "wedi ei ddewis yn ofalus."

"Mae'n bwysig bod pobl yn cefnogi ynni adnewyddol a'n bod ni'n lleddfu unrhyw ofnau".

Parc solar cyntaf

Y llynedd fe wnaeth parc solar cyntaf Cymru ddechrau cynhyrchu trydan ar stad Rhosygilwen yn Sir Benfro.

Cafodd bron 10,000 o baneli solar eu mewnforio o'r Unol Daleithiau a'u gosod mewn 12 rhes ar gae chwe erw.

Mae Llywodraeth y DU wedi lleihau cymhorthdal i fuddsoddwyr mawr mewn ynni haul.

Penderfynodd Adran Ynni a Newid Hinsawdd y llywodraeth leihau'r cymhorthdal i ffermydd solar mawr o Awst 1 y llynedd.

Mae ffermydd dros 250 cilowat hyd at 5 megawat yn cael hawlio 8.5 ceiniog am bob cw/awr.

Yn achos cynlluniau rhwng 150 a 250 cw, y tâl yw 15c ac i rai rhwng 50 a 150 cw, 19c.

Mwy Am y Stori Hon

Straeon Perthnasol

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.