Llywodraeth Cymru yn gwrthod galwad am fwy o ACau

Siambr Y Senedd Mae lle yn Y Senedd i ychwanegu seddi

Straeon Perthnasol

Dywedodd Llywodraeth Cymru nad oes 'na awch am fwy o wleidyddion ar ôl i Lywydd y Cynulliad awgrymu cynyddu nifer yr aelodau.

Mewn cyfweliad i nodi ei blwyddyn gyntaf yn y swydd fe ddywedodd Rosemary Butler ei bod o blaid cael 80 o ACau yn hytrach na'r 60 presennol.

Dywedodd nad oedd 'na alw gan y cyhoedd am fwy o wleidyddion, yn enwedig pan mae nifer yr ASau yn cael eu cwtogi.

Ond dywedodd bod gan rai cynghorau fwy o aelodau na'r Cynulliad.

Yn y cyfweliad gyda BBC Cymru, dywedodd ei bod wedi dweud erioed nad oes 'na ddigon o aelodau cynulliad.

"Dwi ddim yn gweld awch o'r tu allan, yn wir mae nifer y rhai yn San Steffan yn cael eu cwtogi ac rydym yn colli ASau yng Nghymru.

"Mae'n anodd, ond mae'n rhaid gwneud synnwyr o'r system sy'n bodoli er mwyn caniatáu i aelodau ddelio gyda'r busnes sydd gennym ni i'w wneud gyda'r nifer sydd gennym ni."

Pan ofynnwyd tua faint o ACau yr hoffai weld, dywedodd "o bosib 80".

Comisiwn

Dywed y Llywydd bod mwy o gynghorwyr mewn rhai cynghorau yn gwneud llai o waith na'r ACau

Dywedodd llefarydd ar ran Llywodraeth Cymru nad oedden nhw'n credu bod awch ymhlith y cyhoedd am fwy o wleidyddion ar hyn o bryd.

Mae 'na 60 o aelodau yn cael eu hethol, 40 o dan y system cynta' heibio'r postyn a 20 o'r pum rhanbarth.

Dyma ydi'r drefn wedi bod ers yr etholiad cyntaf yn 1999.

Yn 2004 fe wnaeth Comisiwn Richard ar ddatganoli argymell ychwanegu 20 arall.

Mae 'na ofod yn y siambr i ychwanegu mwy o seddi ar gyfer aelodau.

Mae sylwadau'r Llywydd yn peryglu siomi gwrthwynebwyr i gynyddu pŵer deddfu'r cynulliad oedd wedi dweud y byddai refferendwm 2011 ar hyn yn arwain y ffordd at fwy o ACau.

Ond dywedodd Mrs Butler nad ydy'r ymgyrchwyr Na "yn credu mewn datganoli o gwbl, boed efo 10 o aelodau neu 110".

"Os ydach chi'n tynnu nifer o aelodau'r llywodraeth, mae'n cwtogi nifer yr aelodau sydd ar gael i wneud y gwaith yn sylweddol.

"Dwi ddim yn dweud nad ydan ni'n llwyddo, oherwydd ein bod ac yn gwneud y gwaith yn dda.

"Ond fe wnaethoch chi ofyn i mi a ddylai mwy o aelodau fod a dwi'n meddwl y dylai mwy fod.

"Mae gan nifer o gynghorau Cymru fwy o gynghorwyr na sydd gennym ni o aelodau a llawer llai o gyfrifoldebau."

Mwy Am y Stori Hon

Straeon Perthnasol

Dyw'r BBC ddim yn gyfrifol am safleoedd rhyngrwyd allanol.

Gwleidyddiaeth

Pigion

  • Catrin BeardAdolygiad y wasg a'r blogiau Cymraeg

    Dyfodol yr Eisteddfod Genedlaethol, enwau Americanwyr enwog o dras Gymreig a dysgu Cymraeg i oedolion yw rhai o'r pynciau dan sylw.


  • Coron Blaenau FfestiniogPrynu Coron Blaenau ar eBay

    Mae Coron a Chadair Eisteddfod Genedlaethol o Oes Fictoria yn ôl hefo'i gilydd ym Mlaenau Ffestiniog.


  • Dewi PwsGormod o Saesneg ar Radio Cymru?

    Mae Dewi Pws yn gwrthod cyfrannu at Radio Cymru nes bod polisi caneuon Saesneg yn cael ei newid.


  • banciau bwydArchesgob yn ymgyrchu

    Dr Barry Morgan ac esgobion yn ymuno ag ymgyrch y banciau bwyd wrth i ffigyrau ddangos bod dwywaith gymaint o bobl yn defnyddio banciau bwyd nag yn 2012-13.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.