Arweinwyr pump o gynghorwyr wedi colli eu seddi

Un o'r rhai a gollodd ei sedd oedd cyn-arweindyd Cyngor Wrecsam, Ron Davies Un o'r rhai a gollodd ei sedd oedd cyn-arweinydd Cyngor Wrecsam, Ron Davies

Straeon Perthnasol

Ar ddiwrnod llwyddiannus i Lafur mae nifer o arweinwyr cynghorau Cymru wedi colli eu seddi.

Wrth i Lafur gipio Caerdydd collodd arweinydd y cyngor, Rodney Berman o'r Democratiaid Rhyddfrydol, ei sedd ym Mhlasnewydd.

Daliodd Llafur eu gafael yn Rhondda Cynon Taf ond collodd arweinydd y cyngor, Russell Roberts, ei sedd.

Yn oriau mân bore Gwener roedd pump arweinydd wedi colli eu seddi, Allan Pritchard yng Nghaerffili, Keith Evans yng Ngheredigion, Jeff Edwards ym Merthyr Tudful, Gordon Kemp ym Mro Morgannwg a Ron Davies yn Wrecsam.

Dywedodd Mr Kemp wrth BBC Cymru fod y llywodraeth glymblaid yn San Steffan yn "wynebu penderfyniadau anodd" ond eu bod yn ei chael yn anodd gyfleu'r neges.

'Neges'

"Dydi'r penderfyniadau sy'n cael eu gwneud yn San Steffan ddim yn cael eu hegluro a dydi'r neges ddim yn cael ei throsglwyddo i'r cyhoedd."

Collodd Mr Davies ei sedd i aelod Annibynnol yn Wrecsam. Yno collodd y Democratiaid Rhyddfrydol saith sedd.

Collodd Mr Evans ei sedd i Blaid Cymru na chafodd ddigon o gynghorwyr ar gyfer mwyafrif i arwain y cyngor.

"Dyna beth yw lecsiwn, rhaid i rywun ennill a rhaid i rywun golli.

'Talcen caled'

"Rhaid llongyfarch Peter Evans ond dwi'n gwybod bod talcen caled o'i flaen ac yn dymuno'n dda iddo fo ac i bobl Llandysul."

Dywedodd mai un pwnc oedd yn mynd â bryd pobl Llandysul, maes parcio di-dâl a llinellau melyn, a'i fod wedi talu'r pris.

"Dwi'n gwybod bod Plaid Cymru wedi bod yn ymgyrchu ac yn brwydro yn yr ardaloedd lle mae'r rhai a fu'n arwain y cyngor."

Mwy Am y Stori Hon

Straeon Perthnasol

Gwleidyddiaeth

Pigion

  • Maes yr Eisteddfod GenedlaetholBargeinion y brifwyl yn Sir Gâr

    Yr Eisteddfod Genedlaethol yn cynnig tocynnau am £10 ar gyfer y brifwyl eleni i bobl sydd yn eu prynu mewn da bryd.


  • Efa Gruffudd Jones, Prif Weithredwr yr UrddYn 'hapus' gyda'i MBE

    Wrth siarad yn gyhoeddus am y tro cynta' ers derbyn MBE, prif weithredwr yr Urdd yn dweud ei bod yn 'hapus iawn'.


  • Bae Rhosili Mwy o draethau'n cyrraedd y safon

    Mae'r Gymdeithas Gadwraeth Forwrol yn dweud bod 71.7% o draethau Cymru wedi cyrraedd y safon gorau posib o ran cyflwr y dŵr.


  • Dolffiniaid'Y cysylltiad agos'

    Dathlu'r cysylltiad rhwng Ceredigion a dolffiniaid trwynbwl ar ddiwrnod arbennig.


Help / Cymorth

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.